ऑकलंड | भारत विरुद्ध न्यूझीलंड दुसऱ्या टी२० सामन्यात भारताने न्यूझीलंडवर ७ विकेट्स आणि ७ चेंडू राखून शानदार विजय मिळवला. याचबरोबर भारताने ३ सामन्यांच्या मालिकेत १-१ अशी बरोबरी साधली.
या सामन्यात कृणाल पंड्याला उत्कृष्ठ गोलंदाजीबद्दल सामनावीर पुरस्काराने गौरविण्यात आले. याच सामन्यात धावांचा पाठलाग करताना भारताकडून कर्णधार रोहित शर्माने सर्वाधिक ५० धावांची खेळी केली.
भारताने हा सामना ७ विकेट्स जिंकला परंतु मैदानावर जे ५ खेळाडू आले त्यातील रोहित शर्माने ५०, रिषभ पंतने नाबाद ४०, शिखर धवनने ३० तर एमएस धोनीने नाबाद २० धावा केल्या. विजय शंकरने १४ तर अतिरिक्त ८ अशा संघाने एकूण १६२ धावा केल्या.
यामुळे २०-३०-४०-५० असा एक मजेशीर आकडा आजच्या सामन्यात पहायला मिळाला.
भारतीय संघ ३ सामन्यांच्या मालिकेतील निर्णायक सामना हॅमिल्टनला १० फेब्रुवारी रोजी खेळणार आहे.
महत्त्वाची बातमी-
–या ५ विक्रमांमुळे रोहित शर्माच आहे टी२०मध्ये विराटपेक्षा मोठा खेळाडू
–तब्बल २०० सामने कमी खेळूनही रोहित धोनीला सरस
–जी वेळ रोहित शर्माच्या टीम इंडियावर आली ती कधीही विराटच्या संघावर आली नव्हती
