सोशल मीडियावर क्रिकेटपटूंचे नवे-जुने फोटो नेहमीच व्हायरल होत असतात. या फोटोंवरून बरीच चर्चाही रंगते. अशात सध्या भारतीय संघाचा माजी कर्णधार विराट कोहली याचाही एक फोटो जोरदार व्हायरल होत आहे. या फोटोत विराट कोहली किचनमध्ये भांडी घासताना दिसत आहे. हा फोटो व्हायरल होताच नेटकरी मजा घेत आहेत. या फोटोत सर्वाधिक कमाई करणारा क्रिकेटपटू विराट भांडी घासत आहे, तर बॉलिवूड अभिनेत्री आणि त्याची पत्नी अनुष्का शर्मा हिने त्याला पकडले आहे. या फोटोत दोघेही खूपच गोंडस दिसत आहेत.
व्हायरल होत असलेल्या फोटोत विराट कोहली (Virat Kohli) पांढऱ्या रंगाच्या प्रिंटेड टी- शर्टमध्ये दिसत आहे. यावेळी त्याने गॉगल परिधान केला आहे, जो त्याच्यावर शोभून दिसत आहे. दुसरीकडे, अनुष्का शर्मा (Anushka Sharma) हिने जीन्स आणि टी-शर्ट परिधान केला आहे. विराट आणि अनुष्काच्या या फोटोवर नेटकरी विचारत आहेत की, “तुमचे किचन घाण आहे का?” काहींनी असेही विचारले की, “किचनमध्ये कोण होतं?” एकाने अशीही कमेंट केली की, “बायकोसमोर याचंही चालत नाही.” मात्र, या फोटोत हे जोडपे खूपच खुश दिसत आहे.
टी20 विश्वचषकातील विराटची कामगिरी
विराट कोहली याने टी20 विश्वचषकात शानदार प्रदर्शन केले होते. मात्र, भारतीय संघाला उपांत्य सामन्यात इंग्लंडकडून पराभवाचा धक्का बसला होता. यासोबतच भारताचा विश्वचषकातील प्रवासही संपुष्टात आला होता. यानंतर विराट पत्नीसोबत हिमाचल प्रदेशमध्ये फिरायला गेला होता. तिथून त्यांचे अनेक फोटोही व्हायरल झाले होते, ज्यामध्ये तो चाहत्यांसोबत सामान्य व्यक्तीप्रमाणे फोटो काढताना दिसला होता. दुसरीकडे, त्याच्या अनुपस्थितीत भारतीय संघाने न्यूझीलंडचा दौराही केला होता. हार्दिक पंड्या याच्या नेतृत्वात भारतीय संघाने टी20 मालिका 1-0ने जिंकली होती. या मालिकेतील पहिला सामना पावसामुळे रद्द करण्यात आला होता.
https://www.instagram.com/p/CinhRc1skDW/?utm_source=ig_web_copy_link
यानंतर मालिकेतील तिसरा सामना पावसामुळे डकवर्थ लुईस नियमानुसार बरोबरीत सुटला होता. तिसऱ्या सामन्यात जेव्हा पाऊस आला होता, तेव्हा भारत 75 धावांवर खेळत होता. डकवर्थ लुईस नियमानुसार भारताला विजयासाठी 76 धावांची गरज होती. त्यामुळे हा सामना बरोबरीत सुटला. दुसरा सामना भारताने 65 धावांनी आपल्या नावावर केला होता. (former cricketer virat kohli anushka sharma kitchen photo viral)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
जरा इकडे पाहा! भारताला विश्वविजेता बनवणाऱ्या खेळाडूची बीपीएलमध्ये एन्ट्री; म्हणाला, ‘जगातली भारी स्पर्धा’
मुंबई इंडियन्सची ताकद होणार दुप्पट! आयपीएल 2023पूर्वी आर्चरने सुरू केला सराव
