भारतीय संघाने 2007 नंतर पुन्हा एकदा आयसीसी टी-20 विश्वचषकावर आपलं नाव कोरले आहे. महेंद्र सिंग धोनीच्या नेतृत्वाखाली भारताने प्रथमच ही ट्रॉफी जिंकली होती, आता रोहित शर्माने भारताला विश्वविजेता बनवले आहे. पहिल्यांदाच चॅम्पियन बनलेल्या संघाचा माजी अष्टपैलू इरफान पठाण विजयानंतर भावूक झाला आणि त्याचे डोळे चमकले. या विजयावर आपले मनोगत व्यक्त करताना ते म्हणाले की, गेल्या 10 दिवसांपासून आपण प्रचंड अडचणीत होतो. जवळच्या व्यक्तीच्या मृत्यूमुळे त्यांना वेदना होत होत्या.
टी20 विश्वचषकाच्या अत्यंत रोमांचक फायनलमध्ये भारतीय संघाने दक्षिण आफ्रिकेचा 7 धावांनी पराभव करत ट्रॉफी जिंकली. टीम इंडियाचे चाहते 17 वर्षांपासून या विजयाची वाट पाहत होते. शेवटच्या वेळी 2007 मध्ये, जेव्हा भारताने टी20 विश्वचषक ट्रॉफी जिंकली तेव्हा इरफान पठाण संघाचा एक भाग होता. आता एवढ्या मोठ्या अंतरानंतर जेव्हा टीम इंडिया पुन्हा त्याच पराक्रमाची पुनरावृत्ती करू शकली तेव्हा त्याला आपले अश्रू आवरता आले नाहीत.
Irfan Pathan become emotional 😭😭
Special thanks to surya Kumar yadav🥹😭😭😭😭 #T20WorldCup2024 #suryakumaryadav #RohitSharma𓃵 #ViratKohli #RohitSharma #Dhoni #CongratulationsteamIndia #RishabhPant #JaspritBumrah #India#Thala #Southafrica #HardikPandya pic.twitter.com/LUtsfLm8uv— wafii 🇮🇳 (@mdwafi15) June 29, 2024
भारत विश्वविजेता झाल्यानंतर बोलताना इरफान पठाण भावूक झाला तो म्हणाला- “मी बुमराहचा आभारी आहे, रोहित शर्माचा आभारी आहे, हार्दिक पांड्याचा आभारी आहे. सूर्यकुमार यादवने घेतलेला झेल मी आयुष्यभर विसरणार नाही. मी शेवटचा श्वास घेत असलो तरी त्याचा झेल मला आठवेल कारण डेव्हिड मिलर हा तसा धोकादायक फलंदाज आहे. तो षटकार पहिल्याच चेंडूवर लागला असता तर कदाचित सामना संपुष्टात आला असता.
टीम इंडियाने यंदाच्या टी20 विश्वचषक 2024 शानदार कमगिरी केली आहे. स्पर्धेतील सर्व सामन्यात भारतीय संघ अपराजित राहिला. रोहित शर्माने भारतीय संघासाठी सर्वाधिक धावा केल्या त्याचे नेतृत्वपण अप्रतिम होते. संपूर्ण विश्वचषकात शांत असलेल्या विराटची बॅट फायनलमध्ये तुफान चालली. त्याच्या खेळी मुळे विराटला सामनावीरचा पुरस्कार देण्यात आला.
महत्वाच्या बातम्या
भारतीय संघ टी20 विश्वविजेता! पीएम मोदींकडून मिळाल्या खास शुभेच्छा
“कहीं खुशी कहीं गम” रितिकाचा विश्वविजेता कर्णधार रोहितवर प्रेमाचा वर्षाव, तर मिलरच्या पत्नीनं सावरलं
भारतीय टी20 क्रिकेटमधून ‘रोहित-विराट’ युगाचा अंत, विश्वचषक जिंकून घेतला निरोप
