भारतीय क्रिकेट संघातून बऱ्याच काळापासून बाहेर असलेल्या शिखर धवनने निवृत्ती जाहीर केली. टीम इंडियाचा सलामीचा डावखुरा फलंदाज शिखर धवनने काल (24 ऑगस्ट) रोजी सोशल मीडिया प्लॅटफाॅर्मवर व्हिडिओ शेअर करत अचानक निवृत्तीची घोषणा केली. धवन डिसेंबर 2020 मध्ये भारतासाठी शेवटचा सामना खेळला होता. आता शिखर धवनच्या निवृत्तीवर विराट कोहलीची प्रतिक्रिया समोर आली आहे. चला तर या बातमीद्वारे जाणून घेऊयात किंग कोहली शिखर धवनच्या निवृत्तीवर काय म्हणाला.
विराट कोहलीने ‘एक्स’वर लिहिले, ‘शिखर धवन, तुझ्या निर्भय पदार्पणापासून ते भारताचा सर्वात विश्वासार्ह सलामीवीर बनण्यापर्यंत, तु आम्हाला असंख्य आठवणी दिल्या. तुझी खेळाबद्दलची आवड, तुझी खिलाडूवृत्ती आणि तुझे खास स्मित हास्य नेहमीच आम्ही मिस करु. परंतु तुझा वारसा कायम राहील. आठवणींसाठी, अविस्मरणीय कामगिरीबद्दल आणि मनापासून नेहमी नेतृत्व केल्याबद्दल धन्यवाद. मैदानाबाहेर, गब्बरला पुढील डावासाठी शुभेच्छा!
Shikhar @SDhawan25 from your fearless debut to becoming one of India’s most dependable openers, you’ve given us countless memories to cherish. Your passion for the game, your sportsmanship and your trademark smile will be missed, but your legacy lives on. Thank you for the…
— Virat Kohli (@imVkohli) August 25, 2024
शिखर धवनने डिसेंबर 2022 मध्ये टीम इंडियासाठी शेवटचा सामना खेळला होता, जो बांग्लादेशविरुद्ध खेळलेला एकदिवसीय सामना होता. यानंतर, 38 वर्षीय शिखरला टीम इंडियामध्ये आपले स्थान परत मिळवता आले नाही आणि अखेरीस त्याला निवृत्तीचा निर्णय घ्यावा लागला.
शिखर धवनच्या क्रिकेट करिअरबाबत बोलायचे झाल्यास, गब्बरने ऑक्टोंबर 2010 मध्ये आंतरराष्ट्रीय क्रिकेटच्या वनडे फाॅरमॅटमधून भारतासाठी पदार्पण केले होते. त्याने भारतासाठी 34 कसोटी सामने खेळला आहे. ज्याच्या 58 डावात त्याने 2315 धावा केल्या आहेत. तर 167 वनडे सामन्यात त्याने भारताचे प्रतिनिधीत्व केला आहे. ज्यामध्ये त्याने 17 शतके आणि 39 अर्धशतकांच्या जोरावर 6793 धावा केल्या आहेत. टी20 क्रिकेटबाबात बोलायचे झाल्यास त्याने 68 सामने खेळल्या आहेत. ज्यामध्ये त्याने 1759 धावा केल्या आहेत. ज्यामध्ये 11 अर्धशतकांचा समावेश आहे.
हेही वाचा-
आरसीबीचा मास्टरस्ट्रोक! मेगा लिलावात या तीन फिनिशर्संना करणार ताफ्यात समावेश
5 भारतीय खेळाडू ज्यांनी यावर्षी आंतरराष्ट्रीय क्रिकेटला रामराम ठोकला, एकाची तुलना चक्क धोनीशी व्हायची!
“शिखर, तू नेहमीच आठवणीत राहणार”, गब्बरसाठी क्रिकेटच्या देवाचा खास मॅसेज
