आयपीएल 2025 (IPL 2025) चा एलिमिनेटर सामना 30 मे रोजी गुजरात टायटन्स आणि मुंबई इंडियन्स (Gujarat titans vs Mumbai Indians) यांच्यात न्यू चंदीगड स्टेडियमवर खेळवण्यात आला. जिथे एमआय संघाने रोमांचक सामन्यात 20 धावांनी विजय मिळवला. सामन्यादरम्यान दोन्ही संघांच्या फलंदाजांनी उत्साह दाखवला. रोहित शर्माने विजयी संघासाठी आक्रमक फलंदाजी करताना अर्धशतक झळकावले. त्याच वेळी जीटी कडून साई सुदर्शनने उत्तम फलंदजी केली. तरीदेखील तो त्याच्या संघाला विजय मिळवून देण्यात अपयशी ठरला.
एलिमिनेटर सामन्यात मुंबई संघाने 20 षटकांत पाच गडी गमावून 228 धावा केल्या, जो आयपीएलच्या इतिहासात प्लेऑफ किंवा नॉकआउट सामन्यांमध्ये कोणत्याही संघाने केलेली दुसरी सर्वोच्च धावसंख्या आहे. पहिले स्थान गुजरात टायटन्सने व्यापले आहे.
रोहित शर्माने (Rohit Sharma) डावाची सुरुवात करताना एकूण 50 चेंडूंचा सामना केला. दरम्यान, 162.00 च्या स्ट्राईक रेटने 81 धावा करण्यात यश आले. यासह आयपीएलमध्ये त्याचे 7000 धावाही पूर्ण झाल्या आहेत. ‘हिटमॅन’ शर्मा हा आयपीएलमध्ये 7000 धावा करणारा दुसरा खेळाडू आहे. त्याच्या आधी फक्त विराट ने ही कामगिरी केली आहे.
रोहित शर्माने आयपीएलमध्ये 271 सामने खेळले आहेत. दरम्यान, त्याच्या बॅटने 266 डावांमध्ये 29.82 च्या सरासरीने 7038 धावा केल्या आहेत. आयपीएलमध्ये त्याच्या नावावर दोन शतके आणि 47 अर्धशतके आहेत.
आयपीएलमध्ये 200 किंवा 200+ धावांच्या लक्ष्याचे रक्षण करताना मुंबईचा विजयी घोडदौड सुरूच आहे. 200+ धावांच्या लक्ष्याचे रक्षण करण्याची ही 19 वी वेळ आहे.
रशीद खानच्या (Rashid khan) नावाशी संबंधित लज्जास्पद विक्रम आयपीएलच्या 18 व्या हंगामात आहे. करामती खानचा जलवा काही खास नव्हता. या वेळी त्याच्याविरुद्ध एकूण 33 षटकार मारण्यात आले आहेत, जे आयपीएल हंगामात कोणत्याही गोलंदाजाविरुद्धचे सर्वाधिक षटकार आहेत, यावरून त्याची स्थिती वाईट का आहे याचा अंदाज तुम्ही लावू शकता
