भारताचा माजी सलामीवीर गौतम गंभीरने केएल राहुलला फलंदाजी सुधारण्याचा सल्ला दिल्याबद्दल त्याचे कौतुक केले आहे. राहुलने गेल्या महिन्यात झिम्बाब्वेविरुद्ध दीर्घ विश्रांतीनंतर क्रिकेटमध्ये पुनरागमन केले. आयपीएल 2022 नंतर तो आधी दुखापतीशी आणि नंतर कोरोनाशी झुंज देत होता. बराच काळ क्रिकेटपासून दूर राहिल्यानंतरही तो अद्याप अव्वल फॉर्ममध्ये नाही. झिम्बाब्वेविरुद्धच्या दोन सामन्यांत त्याने फलंदाजी केली, पण त्याला विशेष धावा करता आल्या नाहीत. यानंतर आशिया चषक 2022 मध्येही तो पाकिस्तानविरुद्ध गोल्डन डक ठरला. दुसऱ्या सामन्यात त्याने हाँगकाँगविरुद्ध अतिशय संथ खेळी खेळली.
केएल राहुलचे या वर्षी जूनमध्ये स्पोर्ट्स हर्नियाचे ऑपरेशन झाले होते. पुनरागमन केल्यानंतर त्याने आंतरराष्ट्रीय क्रिकेटमध्ये आत्तापर्यंत चार डाव खेळले आहेत, परंतु महत्त्वपूर्ण योगदान देण्यात तो अपयशी ठरला आहे. आशिया कप 2022 मध्ये हाँगकाँगविरुद्ध त्याने 39 चेंडूत 36 धावा केल्या होत्या. राहुलच्या फॉर्मबद्दल गौतम गंभीर म्हणतो की, राहुलला त्याच्या क्षमतेनुसार सर्वोत्तम कामगिरी करण्याची आणि टी-20 क्रिकेटमध्ये अधिक मुक्तपणे खेळण्याची गरज आहे.
गौतम गंभीर म्हणाला की केएलमध्ये खूप क्षमता आहे, खरं तर भारतीय कर्णधार रोहित शर्मापेक्षाही, आणि त्याला कोणाला काही सिद्ध करण्याची गरज नाही. स्टार स्पोर्ट्सवर गंभीर म्हणाला, “केएल राहुलमध्ये भरपूर क्षमता आहे. या ड्रेसिंग रुममध्ये कदाचित त्याच्याकडे रोहित शर्मापेक्षा जास्त क्षमता आहे हे सांगायला मला अजिबात संकोच वाटणार नाही. आंतरराष्ट्रीय क्रिकेटमध्ये त्याने ही कामगिरी केली आहे. जर तो मोकळेपणाने खेळत नसेल तरच तो स्वतःला थांबवू शकतो.
तो म्हणाला की, राहुलने खेळाच्या सर्वात लहान फॉरमॅटमध्ये परंपरावादी फलंदाजी करू नये. गंभीर म्हणाला, “त्याला कोणाला काही सिद्ध करण्याची गरज नाही. तुम्ही आंतरराष्ट्रीय क्रिकेट आणि आयपीएलमध्ये पाहिले आहे, तुम्ही फक्त स्वतःला रोखून धरत आहात. फक्त खेळायला जा. टी-20 क्रिकेट तयार केले गेले आहे जेणेकरून तुम्ही स्वतःला व्यक्त करू शकता.
गंभीर, ज्याने या वर्षाच्या सुरुवातीला लखनौ सुपर जायंट्ससाठी केएल राहुलचे मार्गदर्शन केले होते, त्याला अपेक्षा आहे की राहुलने क्रीजवर वेळ घालवून आत्मविश्वास मिळवावा आणि स्पर्धेच्या सुपर 4 टप्प्यात अधिक आक्रमक फलंदाजी करावी. तो म्हणाला, “तुम्ही 39 चेंडू खेळा किंवा नऊ चेंडू, 39 चेंडू खेळण्यापेक्षा दोन मोठे फटके तुम्हाला अधिक आत्मविश्वास देतात. मला आशा आहे की या 39 चेंडूंमुळे तो येत्या सामन्यांमध्ये मुक्तपणे खेळेल, कारण या खेळाडूमध्ये खूप क्षमता आहे.
महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा
महत्वाच्या बातम्या –
हाँगकाँगचा नाणेफेकीत मास्टर स्ट्रोक! पाकिस्तानचा बाबर पहिले फलंदाजी करणार, वाचा प्लेइंग इलेव्हन
‘दिलसे नहीं दिमाग से खेलना होगा!’ पराभवानंतर कर्णधार शाकिबने पिळले बांगलादेश संघाचे कान
आंतरराष्ट्रीय ग्रांप्री बॅडमिंटन स्पर्धा | महाराष्ट्राच्या दर्शन, ताराचा उप-उपांत्यपूर्व फेरीत प्रवेश
