इंडियन प्रीमिअर लीग २०२२मधील ५७वा सामना गुणतालिकेतील २ अव्वल संघ लखनऊ सुपर जायंट्स विरुद्ध गुजरात टायटन्स संघात पार पडला. हा सामना गुजरात संघाने ६२ धावांनी जिंकला. हा गुजरातचा नववा विजय होता. विशेष म्हणजे, या विजयासह गुजरातने प्लेऑफमध्ये एन्ट्री केली आहे. या सामन्यात शुबमन गिलला सामनावीर पुरस्काराने गौरवण्यात आले.
या सामन्यात गुजरात टायटन्स (Gujarat Titans) संघाने नाणेफेक जिंकत पहिल्यांदा फलंदाजी करण्याचा निर्णय घेतला. यावेळी गुजरातने निर्धारित २० षटकात ४ विकेट्स घेत १४४ धावा केल्या होत्या. या आव्हानाचा पाठलाग करताना लखनऊ सुपर जायंट्स (Lucknow Super Giants) संघ ८२ धावांवर सर्वबाद झाला.
That's that from Match 57.@gujarat_titans win by 62 runs and become the first team to qualify for #TATAIPL 2022 Playoffs.
Scorecard – https://t.co/45Tbqyj6pV #LSGvGT #TATAIPL pic.twitter.com/PgsuxfLKye
— IndianPremierLeague (@IPL) May 10, 2022
लखनऊकडून फलंदाजी करताना एकट्या दीपक हुड्डालाच सर्वाधिक धावा करता आल्या. त्याने २६ चेंडूत २७ धावा केल्या. त्याच्याव्यतिरिक्त फक्त क्विंटन डी कॉकला ११ धावा करता आल्या. इतर एकाही फलंदाजाला २० धावांचा आकडा पार करता आला नाही. कर्णधार केएल राहुल फक्त ८ धावा करून तंबूत परतला.
महा स्पोर्ट्सचा व्हॉट्सअप ग्रुप जॉइन करण्यासाठी इथे क्लिक करा
यावेळी गुजरातकडून गोलंदाजी करताना राशिद खान याने सर्वाधिक विकेट्स घेतल्या. त्याने ४ षटके गोलंदाजी करताना ३० धावा देत ३ विकेट्स घेतल्या. याव्यतिरिक्त यश दयाल आणि साईकिशोरने प्रत्येकी २ विकेट्स घेतल्या. याव्यतिरिक्त मोहम्मद शमीने १ विकेट आपल्या नावावर केली.
तत्पूर्वी प्रथम फलंदाजी करताना गुजरात संघाकडून शुबमन गिल (Shubman Gill) याने सर्वाधिक विकेट्स घेतल्या. त्याने ४९ चेंडूत नाबाद ६३ धावा चोपल्या. यामध्ये ७ चौकार मारले. त्याच्याव्यतिरिक्त डेविड मिलरने २६ आणि राहुल तेवतियाने नाबाद २२ धावा केल्या. बाकीच्या एकाही खेळाडूला २० धावांचा आकडा पार करता आला नाही. कर्णधार हार्दिक पंड्या (Hardik Pandya) याला फक्त ११ धावा करता आल्या.
यावेळी लखनऊ संघाकडून गोलंदाजी करताना आवेश खानने सर्वाधिक विकेट्स घेण्याची कामगिरी केली. त्याने ४ षटकात २६ धावा देत ४ विकेट्स घेतल्या. त्याच्याव्यतिरिक्त मोहसिन खान आणि जेसन होल्डर यांनी प्रत्येकी १ विकेट आपल्या नावावर केली.
या विजयासह गुजरात संघाने गुणतालिकेत पुन्हा एकदा अव्वलस्थान पटकावले. या विजयानंतर त्यांचे गुण १८ झाले आहेत. तसेच, गुजरात हा प्लेऑफमध्ये पोहोचणारा आयपीएल २०२२मधील पहिला संघ ठरला आहे.
महा स्पोर्ट्सचा व्हॉट्सअप ग्रुप जॉइन करण्यासाठी इथे क्लिक करा
महत्त्वाच्या बातम्या-
हे माहितीये का? पाकिस्तानचे १२ खेळाडू खेळलेत आयपीएल, एकाचा हरभजन सिंगशी ३६चा आकडा
पोराची बातच न्यारी! थेट चालू सामन्यातच स्कूटर घेऊन घुसला मैदानात, पाहायला मिळाला विचित्र नजारा
