इंडियन प्रिमीयर लीगच्या सर्व संघांपैकी चेन्नई सुपर किंग्स आणि मुंबई इंडियन्स हे सर्वाधिक यशस्वी संघ आहेत. दोन्ही संघात सामना जिंकण्यासाठी तीव्र स्पर्धा असते. त्यामुळे त्यांच्यातील सामना खूप रोमांचक ठरतो.
सीएसकेचा प्रमुख गोलंदाज हरभजन सिंगने मुंबई इंडियन्स आणि चेन्नई सुपर किंग्स संघातील सामना म्हणजे भारत-पाकिस्तान सामन्यासारखा वाटतो असे म्हटले आहे.
हरभजन आयपीएलमध्ये २०१७ पर्यंत मुंबई इंडियन्सकडून सामने खेळले आहेत. तर २०१८ पासून तो चेन्नई सुपर किंग्सकडून खेळत आहे.
त्याने सीएसके आणि रुपा रमाणी यांच्यासोबत झालेल्या इंस्टाग्राम लाइव्ह सेशनदरम्यान सीएसकेकडून मुंबईविरुद्ध खेळलेल्या पहिल्या सामन्याच्या आठवणींना उजाळा दिला आहे. Harbhajan singh says his first match against mumbai indians was like ind-pak match for me .
हरभजन म्हणाला की, “मुंबईविरुद्ध पहिल्यांदा खेळताना मी कोणते स्वप्न बघत असल्याप्रमाणे मला वाटत होते. जेव्हाही मी त्यांच्याविरुद्ध खेळालो तेव्हा मला भारत- पाकिस्तान संघातील सामना असल्याप्रमाणे वाटायचे.”
“मुंबई आणि चेन्नई संघामधला सामना नेहमीच संघर्षात्मक असायचा. महत्त्वाचे म्हणजे, मी अचानक निळ्या रंगाची जर्सी न घालता पिवळ्या रंगाच्या जर्सीसोबत मैदानावर उतरलो होतो आणि याच गोष्टीची स्वत:ला समजूत घालणे मला अवघड जात होते.”
हरभजन पुढे म्हणाला, “मी मुंबई इंडियन्सविरुद्ध माझा पहिला सामना मुंबईतच खेळलो होतो. त्यापुर्वी १० वर्षे मी मुंबईं संघाकडून खेळलो होतो आणि १० वर्षे हा खूप मोठा कालावधी असतो. त्यामुळे अचानक घालाव्या लागलेल्या त्या पिवळ्या जर्सीसोबत सामंजस्य बसवण्यासाठी मला पूर्ण १ हंगाम लागला. नंतर त्यापुढील हंगामात मला जास्त अडचण आली नाही आणि मी आता तिसऱ्या हंगामापर्यंत पोहोचलो आहे. पण, तरीही पहिल्या हंगामात नक्की काय चालले होते? हे समजणे मला कठीणच जाते.”
हरभजनने त्याच्या आयपीएल कारकिर्दीची सुरुवात २००८साली मुंबई इंडियन्स संघाकडून केली होती. तो पुढे १० वर्षे म्हणजे २०१७ पर्यंत मुंबई इंडियन्स संघाचा भाग होता. मात्र, २०१८मध्ये त्याला सीएसकेने आपल्या संघात सामाविष्ट केले. त्याने सीएसकेकडून पहिल्या हंगामात १३ सामने खेळत फक्त ७ विकेट्स घेतल्या होत्या.
पण, पुढील हंगामात त्याने शानदार प्रदर्शन केले. आयपीएल २०१९मध्ये त्याने सीएसकडून ११ सामने खेळत १६ विकेट्स घेतल्या. आयपीएल २०२० कोरोना व्हायरसमुळे अनिश्चित काळासाठी स्थगित करण्यात आले आहे.
ट्रेंडिंग घडामोडी-
कसोटी चॅम्पियनशीपऐवजी घ्या ऍशस आणि भारत-पाकिस्तान कसोटी मालिका, या…
लांब केसातील धोनीचा फोटो शेअर करत सीएसकेने जागवल्या ‘या’…
विराट कोहलीसाठी डोकेदुखी ठरलेल्या या ऑस्ट्रेलियन गोलंदाजाने केली…