भारतीय संघाचा अनुभवी फिरकीपटू गोलंदाज हरभजन सिंगने मंगळवारी (५ मे) आर अश्विनबद्दल मोठा खुलासा केला आहे. तो म्हणाला की, मला अश्विनबद्दल आकस नाही. तो ‘एक दिग्गज क्रिकेटपटू’ बनण्याच्या मार्गावर आहे. अश्विनने भारतीय संघात हरभजनची जागा घेतली आहे. तसेच तो ऑस्ट्रेलियाचा फिरकीपटू गोलंदाज नेथन लायनबरोबर जगातील सर्वोत्तम फिरकीपटू गोलंदाज आहे.
हरभजनने (Harbhajan Singh) अजूनही निवृत्ती घेतलेली नाही. परंतु त्याने भारताकडून शेवटचा सामना २०१६मध्ये खेळला होता. हरभजनने १०३ कसोटी सामने खेळले आहेत. यामधील शेवटचा सामना त्याने २०१५ मध्ये खेळला होता. तर अश्विनने २०११मध्ये पदार्पणानंतर आतापर्यंत ७१ कसोटी सामने खेळले आहेत.
हरभजनने अश्विनबरोबर (R Ashwin) इंस्टाग्रामवर चर्चा करताना सांगितले की, “खूप लोकांना वाटत असेल की मला तूझा आकस वाटतो. त्यांना जो विचार करायचा आहे, तो ते करू शकतात. मला तुला हे सांगायचं आहे की, सध्याच्या काळात जेवढेही फिरकीपटू गोलंदाज आहेत त्यांच्यामध्ये तू सर्वोत्तम आहे.”
हरभजन पुढे म्हणाला की, “नक्कीच मला नेथन लायनही (Nathon Lyon) आवडतो. मी नेहमीच त्याला अव्वल स्थानावर ठेवेल. कारण तो ऑस्ट्रेलियामध्ये खेळतो, जिथे फिरकीपटूंना खेळण्यासाठी परिस्थिती अनुकूल नसते. तू त्या खेळाडूंपैकी आहेस जे दिग्गज खेळाडू बनण्याच्या मार्गावर आहेत. मी तुला खूप शुभेच्छा देतो. तू खूप साऱ्या विकेट्स घे.”
अश्विन कसोटी क्रिकेटमध्ये हरभजनने घेतलेल्या विकेट्सच्या जवळ पोहोचला आहे. हरभजनने १०३ कसोटी सामने खेळताना ३२.४६ च्या सरासरीने एकूण ४१७ विकेट्स घेतल्या आहेत. तर अश्विनने आतापर्यंत ७१ कसोटी सामने खेळताना २५.४३ च्या सरासरीने ३६५ विकेट्स घेतल्या आहेत.
अश्विन भारताच्या कसोटी संघातील नियमित सदस्य आहे. मात्र अश्विनला वनडे आणि आंतरराष्ट्रीय टी२० संघातूनही वगळण्यात आले आहे. त्याच्या जागी आता युजवेंद्र चहल (Yuzvendra Chahal) आणि कुलदीप यादव (Kuldeep Yadav) या खेळाडूंना संधी दिली जाते. अश्विनने ३० जून २०१७ला आपला शेवटचा वनडे सामना खेळला होता.
ट्रेंडिंग घडामोडी-
-जीवनातील या ८ महत्त्वाच्या गोष्टी, ज्या धोनीकडून आहेत शिकण्यासारख्या
-३५ वर्षांपुर्वीची तगडी टीम इंडिया आजच्या टीम कोहलीला ठरली असती भारी
-भारताकडून खेळला केवळ ३ वनडे, आज आहे एका राज्याचा क्रीडामंत्री