भारतीय संघाचा अष्टपैलू खेळाडू हार्दिक पंड्या आणि त्याची पत्नी नताशा स्टेनकोव्हिक यांची जोडी सर्वात लोकप्रिय जोडीपैकी एक आहे. हे दोघेही सोशल मीडियावर प्रचंड ॲक्टीव्ह असतात. तसेच आपली दैनंदिन जीवनातील आठवणी आणि फोटो शेअर करत चाहत्यांचे मनोरंजन करत असतात.नुकताच हार्दिक पंड्याने आपल्या अधिकृत सोशल मीडिया अकाऊंटवर एक व्हिडिओ शेअर केला आहे, जो चाहत्यांच्या पसंतीचा ठरतोय.
हार्दिक पंड्या आणि नताशा स्टेनकोव्हिक हे दोघेही सध्या यूएईमध्ये आहेत. अशातच व्हायरल होत असलेल्या व्हिडिओमध्ये हार्दिक पंड्या आणि नताशा स्टेनकोव्हिक एक खास डान्स करताना दिसून येत आहेत. या डान्सद्वारे ते दोघांमध्ये असलेले प्रेम व्यक्त करताना दिसून येत आहेत. या दोघांमधील प्रेम पाहून चाहत्यांच्या चेहऱ्यावर देखील हास्य फुलल्याशिवाय राहणार नाही.
व्हायरल होत असलेल्या व्हिडिओमध्ये हार्दिक पंड्याने काळया रंगाचा गाऊन घातला आहे. तसेच त्याने एक हॅट देखील घातली आहे. तर नताशा स्टेनकोव्हिकने पांढऱ्या रंगाचा टॉप आणि काळया पांढऱ्या रंगाचा घेरदार स्कर्ट घातला आहे. तसेच डोक्यावर घातलेली हॅटने तिचे सौंदर्य आणखी वाढवले आहे. हा व्हिडीओ ८ लाखांपेक्षा अधिक लोकांनी लाईक केला आहे.
https://www.instagram.com/reel/CVNaaVZq02V/?utm_medium=copy_link
हार्दिक पंड्याला आयसीसी टी -२० विश्वचषक स्पर्धेसाठी भारतीय संघात स्थान देण्यात आले आहे. भारतीय संघाची पहिली लढत २४ ऑक्टोबर रोजी पाकिस्तान संघाविरुद्ध पार पडणार आहे. गेली काही महिने हार्दिक पंड्या दुखापतीमुळे संघाबाहेर होता. आता त्याचे संघात पुनरागमन झाले आहे. परंतु तो गोलंदाजी करताना दिसून येत नाहीये. दरम्यान टी-२० विश्वचषक स्पर्धेत त्याला मुख्य फलंदाज म्हणून संघात स्थान दिले जाऊ शकते.
हार्दिक पंड्याच्या आयपीएल २०२१ स्पर्धेतील कामगिरीबद्दल बोलायचं झालं तर, त्याला १२ सामने खेळण्याची संधी मिळाली होती. या १२ सामन्यात त्याला १४.११ च्या सरासरीने अवघ्या १२७ धावा करण्यात यश आले होते.
महत्त्वाच्या बातम्या-
डेविड वॉर्नरचा भारतीय सलामीवीर रोहित शर्मावर चक्क चोरीचा आरोप, वाचा संपूर्ण प्रकरण
तब्बल पाच वर्षानंतर विराटने केली गोलंदाजी; ट्विटरवर आल्या अशा प्रतिक्रिया
टी२० विश्वचषकात हा फलंदाज ठरू शकतो भारतीय संघासाठी ‘हुकमी एक्का’; युएईत नेहमीच ठरला यशस्वी
