‘यापेक्षा मोठा यू-टर्न माझ्या आयुष्यात येऊ शकत नाही’, कर्णधारपदाबद्दल पहिल्यांदाच बोलला हार्दिक पंड्या

हार्दिकने मागच्या वर्षी टी-२० विश्वचषकातील खराब प्रदर्शनानंतर आंतरराष्ट्रीय क्रिकेटमधून विश्रांती घेतली होती. त्याविषयी हार्दिक म्हणाला की, “जेव्हा मी क्रिकेटमधून विश्रांती घेतली होती, तेव्हा मी निर्णय घेतला होता की, जेव्हा मी पुनरागमन करेल मी माझ्या सर्वोत्त रूपात असेल. आयपीएलमध्ये गुजरात टायटन्सला विजेतेपद मिळवून देणे, मला भारतीय संघाचा उपकर्णधार बनवले जाणे, या गोष्टी फक्त प्रक्रियेचा एक भाग आहेत, जी मी भारतीय संघात पुन्हा येण्यासाठी पाळली आहे. मी निर्णय घेतला की, मला माझ्या जुन्या रूपात पुन्हा जायचे आहे, जे फिट होते. जे रूप फलंदाजी, गोलंदाजी आणि क्षेत्ररक्षण देखील करायचे. जेव्हा मी मागे वळून पाहतो की, मी सहा महिन्यांपूर्वी कसा होतो, आणि सहा महिन्यांनंतर कसा आहे, माझ्या आयुष्यात मी यापेक्षा मोठा यू-टर्न घेऊ शकत नाही.”

आयर्लंडविरुद्ध हार्दिक पहिल्यांदाच भारतीय संघाचे नेतृत्व करणार आहे. “मी कधीच जबाबदारीवरून पळ काढला नाहीये. मी जबाबदारी घेतो. त्यामुळे मला योग्य निर्णय घेता येतात. परिस्थिती सांभाळता येते. मला माहिती आहे की, मी योग्य निर्णय घेईल, कारण मी त्याची पूर्ण जबाबदारी घेतो,” असे हार्दिक पुढे बोलताना म्हणाला.

दरम्यान, शुक्रवारी खेळल्या गेलेल्या दक्षिण आफ्रिकेविरुद्धच्या चौथ्या टी-२० सामन्यात हार्दिकचे प्रदर्शन कौतुकात पात्र होते. त्याने ३१ चेंडूत ४६ धावा केल्या, ज्या भारताच्या विजयासाठी महत्वपूर्ण ठरल्या. भारताने हा सामन ८२ धावांच्या अंतराने जिंकला.

महास्पोर्ट्सचा व्हॉट्सअप ग्रूप जॉइन करण्यासाठी येथे क्लिक करा

महत्वाच्या बातम्या-

निवडकर्ते साहेब ऐकताय नव्हं! कार्तिकचे तिकीट टी२० विश्वचषकासाठी बुक कराच, भारतीय दिग्गजानेही गायले गुणगान

हार्दिक पंड्याच्या ‘त्या’ सल्ल्यानंतर कार्तिकने झळकावले पहिले- वहिले टी२० अर्धशतक, मालिकेत भारताची बरोबरी

दक्षिण आफ्रिकेच्या पराभवाला जबाबदार कोण? केशव महाराजने ‘यांच्या’वर फोडलं अपयशाचं खापर