भारताला मागच्या वर्षी टोकियो ऑलिम्पिकमध्ये (tokyo olympics) नीरज चोप्रा (neeraj chopra) याने ऐतिहासिक सुवर्ण पदक मिळवून दिले होते. आता हरियाणा सरकारणे नीरजच्या सन्मानार्थ महत्वाचा निर्णय घेतला आहे. नीरज चोप्रा मुळचा हरियाणा राज्यातील पानीपतचा राहणार आहे. अनेक वर्षांच्या सरावामुळे तो देशासाठी ऑलिम्पिक सुवर्णपदक जिंकू शकला. भारतीय खेळाडूने वैयक्तिक मिळवलेले हे आतापर्यंतच्या इतिहासातील दुसरे ऑलिम्पिक सुवर्णपदक होते. तसेच एथलेटिक्समध्ये भारताला १०० वर्षांनंतर मिळालेले पहिले ऑलिम्पिक पदक होते.
तसे पाहिले तर हरियाणा राज्यातील आतापर्यंत अनेक खेळाडूंनी ऑलिम्पिक पदके जिंकली आहेत. पण सुवर्णपदक पहिल्यांदाच मिळाले. नीरजने भालाफेक स्पर्धेत ही कामगिरी करून राज्याचे नाव रोशन केले आहे. याच कारणास्तव हरियाणा सरकारणे २६ जानेवारीला परेडसाठी बनवल्या जाणाऱ्या खास झांकीमध्ये नीरज चोप्राला सहभागी करण्याचा निर्णय घेतला आहे. याविषयी त्यांनी अधिकृत ट्वीटर खात्यावरून माहिती दिली आहे.
नीरज चोप्रा असेल प्रजासत्ताक दिनाच्या परेडचे मुख्य आकर्षण
हरियाणा सरकारच्या माहिती, जनसंपर्क आणि भाषा विभागाने ट्वीट करून सांगितले की, प्रजासत्ताक दिनी होणाऱ्या परेडमधील झांकीमध्ये राज्याची क्रीडा क्षेत्रातील कामगिरी दाखवणार आहोत. या झांकीत नीरज चोप्राचा मोठा पुतळा बनवला जाईल. ट्वीटमध्ये लिहिले गेले आहे की, “२६ जानेवारीच्या परेडमध्ये यावर्षी हरियाणाची झांकी सामील होईल. १० ऑलिम्पियन झांकीमध्ये सहभागी असतील. नीरज चोप्राची प्रतिकृती त्याचे मुख्य आकर्षण असेल. आज दिल्लीत झांकी अधिकृतपणे सादर होणार आहे. ही झांकी माहिती, जनसंपर्क आणि भाषा विभागाने तयार केली आहे.”
दरम्यान, भारताला २०२१ ऑलिम्पिकमध्ये इतिहासातील दुसरे सुवर्ण पदक जिंकवून देण्यासाठी नीरज चोप्राने ८७.५८ मीटर लांब भाला फेकला होता. त्याच्या आतापर्यंतच्या सर्वोत्तम कामगिरीचा विचार केला, तर त्याने यापूर्वी ८८.०७ मीटर भाला फेकला आहे. असे सांगितले जात आहे की, एवढ्या चांगल्या प्रदर्शनानंतर त्याचे पुढचे लक्ष ९० मीटर भाला फेकणे आहे. जर नीरजने ९० मीटरचा टप्पा पार केला, तर तो भालाफेकमधील जगातील सर्वश्रेष्ठ खेळाडूंमध्ये सामील होईल.
महत्वाच्या बातम्या –
आयपीएल पुनरागमनासाठी श्रीसंत इच्छुक! ‘इतक्या’ बेस प्राईससह नोंदविले नाव
आयपीएल २०२२: मेगा लिलावाचा भाग नसणार हे पाच ‘टी२० स्पेशालिस्ट
व्हिडिओ पाहा –
