रोहित शर्माच्या नेतृत्वाखाली टीम इंडियाने 2024 चा टी-20 विश्वचषक जिंकला. आता भारतीय संघ चॅम्पियन्स ट्रॉफीच्या अंतिम फेरीत पोहोचलेला आहे. भारताचा उपांत्य फेरीत ऑस्ट्रेलियाशी सामना होईल. कर्णधार म्हणून टी-20 विश्वचषक जिंकल्यानंतर रोहित शर्मा चॅम्पियन्स ट्रॉफी जिंकेल का? कर्णधार म्हणून रोहित शर्माचा विक्रम काय आहे? आतापर्यंत रोहित शर्माने 140 सामन्यांमध्ये भारतीय संघाचे प्रतिनिधित्व केले आहे. ज्यामध्ये भारताने 101 सामने जिंकले आहेत. तर 33 सामन्यांमध्ये भारताला पराभवाचा सामना करावा लागला आहे. याशिवाय 3 सामने अनिर्णित राहिले आहेत.
रोहित शर्माने 54 एकदिवसीय सामन्यांमध्ये भारतीय संघाचे नेतृत्व केले आहे. ज्यामध्ये भारताने 40 एकदिवसीय सामने जिंकले आहेत. तर 12 सामने पराभूत झाले आहेत. या फॉरमॅटमध्ये रोहित शर्माच्या नेतृत्वाखाली भारतीय संघाने 74.07 टक्के सामने जिंकले आहेत. रोहित शर्माने 22 कसोटी सामन्यांमध्ये भारतीय संघाचे प्रतिनिधित्व केले आहे. ज्यामध्ये टीम इंडियाने 12 कसोटी जिंकल्या आहेत. यासह 9 कसोटी सामने पराभूत झाले आहेत. याशिवाय 3 कसोटी अनिर्णित राहिल्या आहेत. या फॉरमॅटमध्ये रोहित शर्माच्या नेतृत्वाखाली टीम इंडियाने त्यांचे 50 टक्के सामने जिंकले आहेत.
एकदिवसीय आणि कसोटी सामन्यांव्यतिरिक्त रोहित शर्माने 62 टी-20 आंतरराष्ट्रीय सामन्यांमध्ये भारतीय संघाचे प्रतिनिधित्व केले आहे. या फॉरमॅटमध्ये रोहित शर्माच्या नेतृत्वाखाली भारताने 49 विजय मिळवले आहेत. तर 12 सामन्यांमध्ये टीम इंडियाला पराभवाचा सामना करावा लागला. याशिवाय एक सामना बरोबरीत सुटला. या फॉरमॅटमध्ये, रोहित शर्माच्या नेतृत्वाखाली भारतीय संघाने 74.41 टक्के सामने जिंकले. रोहित शर्मा कर्णधार म्हणून चॅम्पियन्स ट्रॉफीचे विजेतेपद जिंकण्यात यशस्वी होतो का हे पाहणे मनोरंजक ठरेल. यापूर्वी, रोहित शर्माच्या नेतृत्वाखाली भारतीय संघाने टी-20 विश्वचषक जिंकून इतिहास रचला होता. महेंद्रसिंग धोनीनंतर, रोहित शर्मा टी-20 विश्वचषक जिंकणारा दुसरा भारतीय कर्णधार बनला.
महत्वाच्या बातम्या :
Champions Trophy: ऑस्ट्रेलियाची ताकद रोहितला माहिती, सेमीफायनलपूर्वी सांगितला प्लॅन!
भारतीय संघ चॅम्पियन्स होऊ शकतो पण, माजी खेळाडूंनी काय सांगितला फॉर्म्युला ?
IND vs NZ: चक्रवर्तीने घेतली न्यूझीलंडची फिरकी! भारताचा 44 धावांनी दमदार विजय
