ऑस्ट्रेलिया संघाचा विस्फोटक फलंदाज ग्लेन मॅक्सवेल याने नेदरलँड्सविरुद्धच्या सामन्यात 40 चेंडूत शतक झळकावले. विश्चचषक इतिहासातील हे सर्वात जलद शतक आहे. हे शतक झळकवल्यानंतर ग्लेन मॅक्सवेलने धक्कादायक खुलासा केला. मॅक्सवेलच्या मते, त्याला या सामन्यात फलंदाजी करायला जायचे नव्हते. कारण, त्याची पुरेशी झोप झाली नव्हती.
नेदरलँड्सविरुद्ध ग्लेन मॅक्सवेल (Glenn Maxwell) याने तुफानी फलंदाजी केली. त्याने अवघ्या 40 चेंडूत शतक झळकावले. मॅक्सवेलने 44 चेंडूत 9 चौकार आणि 8 षटकारांच्या मदतीने 106 धावांची जबरदस्त खेळी केली. यामुळेच ऑस्ट्रेलियन संघाला 399 धावा करण्यात यश आले.
सामना संपल्यानंतर मॅक्सवेल पत्रकार परिषदेसाठी आला, तेव्हा त्याने सांगितले की, आदल्या रात्री तो झोपला नव्हता. तो म्हणाला, “मी चेंजिंग रूममध्ये बसलो होतो, आणि मला अजिबात फलंदाजीसाठी जाऊ वाटत नव्हते. तर मागील सामन्यात असे नव्हते. मी त्यावेळी फलंदाजीसाठी उत्सुक होतो. गेले काही दिवस माझ्यासाठी दमछाक करणारे होते. काल रात्री कुटुंबासोबत होतो आणि रात्रभर झोप लागली नाही. पहिल्या 20 चेंडूत मला शांत राहावे लागले. एका बाजूने विकेट्स जात असल्यामुळे मी आक्रमक फलंदाजी केली.”
विश्वचषक 2023च्या 24व्या सामन्यात ऑस्ट्रेलियाने नेदरलँड्सचा 309 धावांनी पराभव केला होता. धावांच्या बाबतीत हा विश्वचषकातील सर्वात मोठा विजय आणि एकदिवसीय इतिहासातील दुसरा सर्वात मोठा विजय आहे. प्रथम फलंदाजी करताना ऑस्ट्रेलियन संघाने निर्धारित 50 षटकात 8 विकेट्स गमावून 399 धावा केल्या होत्या, ही विश्वचषकातील त्यांची पाचवी सर्वोच्च धावसंख्या देखील आहे. प्रत्युत्तरात, नेदरलँड्सला 21 षटकांत सर्व गडी गमावून केवळ 90 धावा करता आल्या, ही त्यांची विश्वचषकातील तिसरी सर्वात कमी धावसंख्या आहे. 44 चेंडूत 106 धावा केल्याबद्दल ग्लेन मॅक्सवेलला सामनावीर म्हणून गौरवण्यात आले. (I didn’t want to bat Glenn Maxwell revealed after scoring a blistering century)
महत्वाच्या बातम्या
वर्ल्डकप इतिहासातील वेगवान शतक ठोकल्यानंतर मॅक्सवेलचे चकित करणारे विधान; म्हणाला, ‘मी तर असं…’
ऑस्ट्रेलियाच्या विक्रमी विजयानंतर कमिन्सचे मोठे विधान; म्हणाला, ‘आम्ही आमची क्षमता…’