अफगाणिस्तानच्या इब्राहिम झद्रानने चॅम्पियन्स ट्रॉफीमध्ये (Champions Trophy 2025) अनेक विक्रम रचले आहेत. इंग्लंडविरुद्धच्या सामन्यात त्याने 177 धावांची ऐतिहासिक खेळी खेळली, त्यादरम्यान त्याने 12 चौकार आणि 6 षटकार मारले. या खेळीमुळे अफगाणिस्तान संघाने इंग्लंडविरुद्धच्या सामन्यात (ENG vs AFG) 325 धावांची मोठी धावसंख्या उभारली. या सामन्यात इब्राहिम झद्रानने केलेल्या 5 विक्रमांबद्दल जाणून घ्या.
इब्राहिम झद्रानने चॅम्पियन्स ट्रॉफीमध्ये सर्वाधिक वैयक्तिक धावसंख्या केली आहे. यापूर्वी हा विक्रम इंग्लंडच्या बेन डकेटच्या नावावर होता, ज्याने 2025 च्या चॅम्पियन्स ट्रॉफीमध्ये ऑस्ट्रेलियाविरुद्ध 165 धावा केल्या होत्या. झद्रानने आता इंग्लंडविरुद्ध 177 धावा केल्या आहेत.
एकदिवसीय क्रिकेटमध्ये अफगाणिस्तानसाठी सर्वोच्च वैयक्तिक धावसंख्येचा विक्रम यापूर्वी इब्राहिम झद्रानच्या नावावर होता. 2022 मध्ये त्याने श्रीलंकेविरुद्ध 162 धावा केल्या होत्या. आता इंग्लंडविरुद्ध 177 धावांची खेळी खेळून त्याने स्वतःचा विक्रम सुधारला आहे. इब्राहिम झद्रान आता पाकिस्तानी भूमीवर सर्वाधिक धावसंख्या करणाऱ्या खेळाडूंच्या यादीत सामील झाला आहे. त्याच्या पुढे गॅरी कर्स्टन (188), व्हिव्ह रिचर्ड्स (181) आणि फखर झमान (180) आहेत. या यादीत जद्रान चौथ्या स्थानावर आला आहे.
इब्राहिम झद्रान आता अफगाणिस्तानसाठी सर्वाधिक एकदिवसीय शतके ठोकण्याच्या बाबतीत दुसऱ्या स्थानावर आला आहे. झद्रानने आतापर्यंत 6 एकदिवसीय शतके केली आहेत. या यादीत सर्वात वरच्या क्रमांकावर रहमानउल्लाह गुरबाज आहे, ज्याने त्याच्या एकदिवसीय कारकिर्दीत 8 शतके केली आहेत.
इब्राहिम झद्रान अफगाणिस्तान संघासाठी 177 धावा काढल्यानंतर 50 पेक्षा जास्त सरासरी असलेला पहिला अफगाणिस्तानचा खेळाडू बनला. इंग्लंडविरुद्धच्या सामन्यापूर्वी त्याची सरासरी 47 च्या आसपास होती. आतापर्यंत त्याने 35 एकदिवसीय डावांमध्ये 51.06 च्या सरासरीने 1634 धावा केल्या आहेत.
हेही वाचा –
1 डासाच्या आयुष्यापेक्षा कमी वेळेत पाकिस्तान चॅम्पियन्स ट्रॉफीतून बाहेर पडला
MIW vs UPW: मुंबईने जिंकला टॉस, यूपी वॉरियर्सला फलंदाजीचे आमंत्रण!
‘पाकिस्तानमध्ये टॅलेंट कुठे आहे?’ – शोएब अख्तरचा मोहम्मद हफीजवर जोरदार हल्लाबोल
