भारतीय क्रिकेट संघाचा कर्णधार विराट कोहली सध्या यशाच्या शिखरावर आहे. फलंदाजीमध्ये तो सर्वश्रेष्ठ फॉर्ममध्ये नसला तरी त्याच्या नेतृत्वात भारतीय संघ सध्या विजयाच्या रथावर आरूढ झाला आहे. यासोबत, विराट इंस्टाग्रामवर १०० फॉलोवर्स मिळवणारा पहिला क्रिकेटपटू बनला आहे. आयसीसीने याबाबत ट्विट करत नुकतेच त्याचे अभिनंदन केले.
आयसीसीने केले ट्विट
भारतात आणि जगभरात क्रिकेट चाहत्यांना आवडता खेळाडू असलेला विराट कोहली सातत्याने सोशल मीडियावर व्यस्त असतो. नुकतेच त्याने इंस्टाग्रामवर १०० मिलियन फॉलोवर्सचा टप्पा पूर्ण केला. त्याबाबत आयसीसीने ट्विट करताना हे छायाचित्र पोस्ट केले. त्यामध्ये यापूर्वी १०० मिलियन फॉलोवर्सचा टप्पा पार करणाऱ्या इतर खेळाडूंसोबत त्याचे छायाचित्र लावले आहे.
तसेच, त्याला कॅप्शन देत लिहिले, ‘विराट कोहली, इंस्टाग्रामवर १०० मिलियन फॉलोवर्सचा टप्पा पार करणारा पहिला क्रिकेटपटू’
या छायाचित्रात विराटव्यतिरिक्त जगप्रसिद्ध फुटबॉलपटू लिओनेल मेस्सी, क्रिस्तियानो रोनाल्डो, नेमार, डब्ल्यूडब्ल्यूई सुपरस्टार रॉक तसेच हॉलीवूड गायिका रिहाना हे दिसत आहेत.
Virat Kohli – the first cricket star to hit 100 million followers on Instagram 🎉 pic.twitter.com/HI1hTSbo8M
— ICC (@ICC) March 1, 2021
१०० मिलियन फॉलोवर्स पूर्ण करणारा पहिला भारतीय
विराट कोहली हा इंस्टाग्रामवर १०० मिलियन फॉलोवर्स पूर्ण करणारा पहिला क्रिकेटपटू तसेच पहिला भारतीय सेलिब्रिटी बनला आहे. यापूर्वी, इंस्टाग्रामवर १०० मिलियन फॉलॉवर्स हे हॉलिवूड अभिनेते व अभिनेत्यांनी कमावले होते. तसेच या यादीमध्ये काही सुप्रसिद्ध गायिकांचादेखील समावेश आहे.
चाहत्यांच्या आल्या अभिनंदनपर प्रतिक्रिया
विराटने इंस्टाग्रामवर १०० मिलियन फॉलॉवर्स मिळविल्यानंतर चाहत्यांनी त्याला शुभेच्छा दिल्या आहेत. अनेकांनी त्याला जगातील महान फलंदाज म्हटले तर काहींनी #100MillionViratiansOnInsta हा ट्रेंड चालविला आहे.
महत्वाच्या बातम्या:
बार्सिलोना क्लबचे माजी अध्यक्ष बार्तोमेओ यांना अटक, बार्सागेट प्रकरणी पोलिसांची मोठी कारवाई
विकेट घेताच दिसले मोहम्मद आमिरचे रागीट रूप, पाहा आक्रमक सेलिब्रेशनचा व्हिडिओ
विराटने बाहेर केलेल्या खेळाडूने मिळवून दिला रोमहर्षक विजय, ९ चेंडूत पालटला सामन्याचा नूर