‘या’ २ भारतीय खेळाडूंनी यूएसएला मिळवून दिला विजय, वनडेतील दमदार संघाला चारली धूळ

युनायटेड स्टेट्स ऑफ अमेरिका म्हणजेच यूएसए क्रिकेट संघाने यूएईविरुद्धचा एकदिवसीय सामना ४ विकेट्सने जिंकला. आयसीसी विश्वचषक लीग २च्या १२व्या फेरीतील हा चौथा सामना होता. प्रथम फलंदाजी करताना यूएईने निर्धारित ५० षटकांमध्ये ७ विकेट्सच्या नुकसानावर २०३ धावा केल्या. प्रत्युत्तरात सूएसएने हे लक्ष्य ४४.५ षटकांमध्ये आणि ६ विकेट्सच्या नुकसानावर गाठले. सुशांत मोदानीला त्याच्या उत्कृष्ट प्रदर्शानासाठी सामनावीर निवडले गेले.

यूएई (UAE Cricket Team) संघाने या सामन्यात नाणेफेक जिंकली आणि प्रथम फलंदाजी करण्याचा निर्णय घेतला. यूएसए (USA Cricket Team) संघाच्या गोलंदाजांनी यूएईचा हा निर्णय सपशेल चुकीचा ठरवला. यूएईने संघाची धावसंख्या शून्य असताना पहिली विकेट गमावली. सलामीवीर फलंदाज मुहम्मद वसीम स्वतःचे खातेही खोलू शकला नाही. त्यानंतर अरविंदच्या रूपात संघाने २६ धवांवर दुसरी विकेट गमावली.

मागच्या सामन्यात संघासाठी महत्वपूर्ण प्रदर्शन केलेला चिराग सुरीने या सामन्यात २३ धावा केल्या. यूएईसाठी सर्वात जात धावांचे योगदान रिजवानने दिले. त्याने ६७ धावांची खेळी केली. राहुल भाटिया आणि काशिफ दौड २४-२४ धावा करून नाबाद राहिले. नियमित अंतरावर विकेट गमावल्यामुळे संघाला २०३ धावांवर समाधान मानावे लागले.