पोचेफस्टरूम। दक्षिण आफ्रिकेत सुरु असलेल्या 19 वर्षांखालील विश्वचषकात आज(4 फेब्रुवारी) 19 वर्षांखालील भारतीय संघ विरुद्ध 19 वर्षांखालील पाकिस्तान संघात उपांत्य सामना होत आहे. या सामन्यात पाकिस्तानचा क्रिकेटपटू कासिम अक्रम विचित्र पद्धतीने धावबाद झाला.
ही घटना सामन्यातील 31 व्या षटकात घडली. या षटकात भारताकडून रवी बिश्नोई गोलंदाजी करत होता. यावेळी त्याने टाकलेल्या या षटकातील दुसऱ्या चेंडूवर अक्रमने फ्रंट कव्हरच्या दिशेने फटका मारला आणि तो एकेरी धाव घेण्यासाठी धावला. यावेळी नॉन-स्ट्रायकर एन्डला असलेला पाकिस्तानचा कर्णधार रोहेल नाझीरही अर्ध्यापर्यंत पळत आला.
मात्र याचदरम्यान रोहेल आणि अक्रममध्ये धाव घेण्यासाठी गोंधळ झाल्याने रोहेल पुन्हा मागे फिरला तर अक्रमही रोहेलच्या बरोबर नॉन-स्ट्रायकर एन्डला धावला. त्यामुळे दोघेही फलंदाज एकाच बाजूला धावत असल्याचे पाहून अथर्व अंकोलेकरने अडवलेला चेंडू लगेचच यष्टीरक्षक ध्रुवचंद जुरेलकडे फेकला. जुरेलने स्टंम्पवरील बेल्स उडवल्या.
मात्र पाकिस्तानचा कोणता फलंदाज धावबाद झाला आहे हे समजले नसल्याने व्हिडिओ-रिप्ले पहाण्यात आला. यामध्ये दिसले की रोहेल अक्रमच्या आधी नॉन-स्ट्रायकर एन्डला क्रिजमध्ये पोहचला आहे. त्यामुळे अक्रमला मैदानातून परतावे लागेल.
https://twitter.com/cricketworldcup/status/1224639867977699328
https://twitter.com/waniarshi/status/1224674929548775425
https://twitter.com/chris_virat/status/1224654011262881792
या सामन्यात पाकिस्तानने प्रथम फलंदाजी करताना 43.1 षटकात सर्वबाद 172 धावा केल्या आणि भारताला 173 धावांचे आव्हान दिले आहे.
पाकिस्तानकडून हैदर अली आणि रोहेलने अर्धशतकी खेळी केल्या. अलीने 77 चेंडूत 9 चौकारांसह 56 धावांची खेळी केली, तर रोहेलने 102 चेंडूत 6 चौकारांसह 62 धावांची खेळी केली. तसेच मोहम्मद हॅरिसने 21 धावांची छोटेखानी खेळी केली. या तिघांव्यतिरिक्त पाकिस्तानकडून एकाही फलंदाजाला दोन आकडी धावसंख्या पार करता आली नाही.
भारताकडून सुशांत मिश्राने सर्वाधिक 3 विकेट्स घेतल्या. तर कार्तिक त्यागी आणि रवी बिश्नोईने प्रत्येकी 2 विकेटस् घेतल्या. तसेच अथर्व अंकोलेकर आणि यशस्वी जयस्वालने प्रत्येकी 1 विकेट घेतली.
https://twitter.com/Maha_Sports/status/1224662883537080320
https://twitter.com/Maha_Sports/status/1224662393235488768
