हे काय? यष्ट्यांवर बेल्स नसतानाच खेळवला गेला विश्वचषक सामना, जाणून घ्या असे करण्यामागचे कारण

आयसीसी महिला वनडे विश्वचषकातील २५वा सामना ऑस्ट्रेलिया विरुद्ध बांगलादेश संघात झाला. वेलिंग्टनच्या बेसिन रिझर्व स्टेडियमवर झालेल्या या सामन्यात अनोखाच प्रकार पाहायला मिळाला. या सामन्यात यष्टींवर नेहमीप्रमाणे बेल्स ठेवल्या गेल्या नव्हत्या. क्रिकेट सामन्यातील या दुर्मिळ पाहायला मिळण्यामागचे गोष्टीमागचे कारण आहे?

तर ऑस्ट्रेलिया आणि बांगलादेश (AUSW vs BANW) संघातील सामना सुरू होण्यापूर्वी वेलिंग्टनमध्ये (Wellington) खूप जोरदार हवा वाहत होती. तसेच थोडाफार पाऊसही पडला होता. त्यामुळे सामना सुरू होण्यासही उशीर झाला होता. परिणामी दोन्ही संघांमध्ये केवळ ४३-४३ षटकांचा सामना खेळवण्यात आला होता.

या सामन्यातील पहिले षटक टाकण्यासाठी ऑस्ट्रेलियाची मेगन शट आली होती. तर बांगलादेशकडून मुरशिदा खातून आणि शरमिन अख्तर फलंदाजी करत होत्या. मात्र पहिल्याच षटकादरम्यान मेगन शटने चेंडू टाकण्यापूर्वीच यष्टीवरील बेल्स उडून खाली पडल्या होत्या. वाऱ्याच्या वेगामुळे बेल्स पुन्हा पुन्हा खाली पडत होत्या. त्यामुळे बेल्सविना सामना खेळवला (Match Without Bails On Stumps) जाण्याचा निर्णय घेतला होता.

https://www.instagram.com/reel/CbgZpk2F2tp/?utm_source=ig_web_copy_link

आयसीसीने या सामन्यादरम्यानचे काही व्हिडिओ शेअर केले आहेत, ज्यामध्ये यष्ट्यांवर बेल्स नसल्याचे स्पष्टपणे दिसत आहे. तसेच वेलिंग्टनमध्ये इतकी जोराची हवा वाहत होती की, खेळाडूही सामन्यादरम्यान थंडीने थरथरताना दिसलेल्या.

Windy and cold down at Basin Reserve 🥶#CWC22 pic.twitter.com/Eq70V5JoQx

— ICC Cricket World Cup (@cricketworldcup) March 25, 2022