पाकिस्तान संघाचा कर्णधार मोहम्मद रिझवान त्याच्या कर्णधारपदाव्यतिरिक्त, पाकिस्तानचा कर्णधार मोहम्मद रिझवान त्याच्या वाईट इंग्रजीमुळे देखील सतत ट्रोल होत आहे. आता पाकिस्तान क्रिकेट संघाचा माजी वेगवान गोलंदाज सिकंदर बख्त यांनी मोहम्मद रिझवानवर आपला राग काढला आहे. सिकंदर बख्त म्हणाले की, मला समजतच नाही की मोहम्मद नेमकं काय म्हणतो ते. जो कर्णधार आपले विचार व्यक्त करू शकत नाही आणि बोलू शकत नाही, तो चांगला कर्णधार कसा असू शकतो. त्याची कर्णधारपदाची धुरा मैदानावरही आहे.
खरंतर, अलिकडेच मोहम्मद रिझवानला पाकिस्तानचा कर्णधार बनवण्यात आले. पण पाकिस्तान क्रिकेट बोर्डाचा डाव पूर्णपणे फसला. चॅम्पियन्स ट्रॉफीपूर्वी पाकिस्तानचा तिरंगी मालिकेत पराभव झाला. त्यानंतर चॅम्पियन्स ट्रॉफीच्या पहिल्या फेरीतच पाकिस्तान बाहेर पडला. जिओ न्यूजशी बोलताना सिकंदर बख्त म्हणाले की, जेव्हा तो बोलतो तेव्हा त्याला समजत नाही की तो काय बोलत आहे. जो माणूस बोलू शकत नाही तो स्वतःला व्यक्त करू शकत नाही. तो कर्णधार म्हणून कसा असेल?
मात्र, आता मोहम्मद रिझवान न्यूझीलंडविरुद्धच्या एकदिवसीय मालिकेत पाकिस्तानी संघाचे नेतृत्व करताना दिसणार आहे. यापूर्वी टी-20 मालिकेत न्यूझीलंडने पाकिस्तानला सहज हरवले होते. तथापि, न्यूझीलंडविरुद्धच्या टी-20 मालिकेत सलमान अली पाकिस्तानचे नेतृत्व करत होता. त्या मालिकेत न्यूझीलंडने पाकिस्तानला 4-1 असे हरवले. आता दोन्ही संघ 3 एकदिवसीय सामन्यांच्या मालिकेत एकमेकांसमोर येतील.
न्यूझीलंडविरुद्धच्या वनडे मालिकेसाठी पाकिस्तानचा संघ-
मोहम्मद रिझवान (कर्णधार), सलमान अली आगा, अब्दुल्ला शफीक, अबरार अहमद, अकिफ जावेद, बाबर आझम, फहीम अश्रफ, इमाम-उल-हक, खुशदिल शाह, मोहम्मद अली, मोहम्मद वसीम जूनियर, इरफान खान नियाजी, नसीम शाह, सुफयान मुकीम आणि तय्यब ताहिर.
