IND vs ENG; टी20 च्या थरारानंतर, आता वनडे सामन्याची वेळ आली आहे. भारत विरुद्ध इंग्लंड यांच्यातील तीन सामन्यांच्या एकदिवसीय मालिकेतील पहिला सामना गुरुवार 6 फेब्रुवारी रोजी खेळला जाईल. दोन्ही संघ नागपूरच्या विदर्भ क्रिकेट स्टेडियमवर आमने सामने येतील. इंग्लंड टी20 मधील मोठ्या पराभवाचा बदला घेण्याचा प्रयत्न करेल, तर भारतीय संघ पुन्हा एकदा इंग्लिश संघाला हरवण्याच्या इराद्याने मैदानात उतरेल.
तसं पाहायला गेले तर इंग्लंड देखील कमकुवत संघ नाही. टी20 मालिकेत इंग्लंडला अनेक वेळा भारताला आव्हान दिले आहे. जोस बटलरचा संघ एकदिवसीय सामन्यांमध्ये भारताला कठीण प्रश्न विचारू शकतो. परंतु, भारतात भारताला हरवणे हे जगातील कोणत्याही संघासाठी कठीण कामापेक्षा कमी नाही. कर्णधार रोहित शर्मा आणि स्टार फलंदाज विराट कोहली यांचा फॉर्म निश्चितच संघासाठी चिंतेचा विषय आहे. परंतु आता फॉर्मेट आणि परिस्थिती वेगळी आहे. अशा परिस्थितीत, हे दोन्ही खेळाडू बॅटने योग्य उत्तर देऊ शकतात.
नागपूरचा खेळपट्टी अहवाल
नागपूरची खेळपट्टी फिरकीपटूंसाठी योग्य आहे. पण याठिकाणी मोठे स्कोअर देखील बनतात. पिच क्युरेटरच्या मते, पिच 300 पेक्षा जास्त धावा करण्यास सक्षम आहे. अशा परिस्थितीत, एक उच्च धावसंख्या असलेला सामना पाहिला जाऊ शकतो. परंतु, भारत तीन फिरकीपटू खेळवू शकतो. अशा परिस्थितीत, इंग्लंडसाठी भारताच्या फिरकी आक्रमणाचा सामना करणे सोपे जाणार नाही.
इंग्लंडचा संभाव्य प्लेइंग इलेव्हन – फिल साल्ट, बेन डकेट, जो रूट, हॅरी ब्रूक, जोस बटलर (कर्णधार आणि यष्टीरक्षक), लियाम लिव्हिंगस्टोन, जेमी ओव्हरटन, ब्रायडेन कार्स, आदिल रशीद, गस अॅटकिन्सन / साकिब महमूद आणि मार्क वूड.
टीम इंडियाचा संभाव्य प्लेइंग इलेव्हन – रोहित शर्मा (कर्णधार), शुबमन गिल, विराट कोहली, श्रेयस अय्यर, केएल राहुल (यष्टीरक्षक), हार्दिक पांड्या, रवींद्र जडेजा, अक्षर पटेल, वरुण चक्रवर्ती, अर्शदीप सिंग आणि मोहम्मद शमी.
हेही वाचा-
आयसीसी क्रमवारीत अभिषेक शर्माची गरुड झेप, भल्या-भल्यांना टाकले मागे..!
52 वर्षांच्या सचिनची जोरदार फटकेबाजी; फलंदाजी पाहून तुम्हीही म्हणाल, ‘देव तो देवच’, VIDEO
IND vs ENG; वनडे मालिकेत कोणाचे पारडे जड? मालिकेपूर्वी पाहा संघाचे हेड टू हेड रेकाॅर्ड्स!
