भारतीय संघाचा वेगवान गोलंदाज मोहम्मद शमी बऱ्याच काळानंतर आंतरराष्ट्रीय क्रिकेटमध्ये परतला. मोहम्मद शमी इंग्लंडविरुद्धच्या टी20 मालिकेत खेळला, पण त्याची ही गोलंदाजी फारशी चांगली नव्हती. असे असूनही, मोहम्मद शमीची इंग्लंडविरुद्धच्या एकदिवसीय मालिकेसाठी आणि आयसीसी चॅम्पियन्स ट्रॉफीसाठी निवड झाली आहे. मात्र, आता भारतीय कर्णधार रोहित शर्माने मोहम्मद शमीच्या निवडी आणि फॉर्मवर आपली प्रतिक्रिया दिली आहे. रोहित शर्माने मोहम्मद शमीचा बचाव केला आहे. मोहम्मद शमीच्या निवडीमागील कारणे काय होती हेही त्यांनी सांगितले.
रोहित शर्मा म्हणाला की, “मोहम्मद शमीने एका वर्षापेक्षा जास्त काळ क्रिकेट खेळलेले नाही, तुम्ही कोणत्याही खेळाडूला इतक्या लवकर प्रश्न विचारू शकत नाही. मोहम्मद शमी गेल्या 10-12 वर्षांपासून भारताकडून खेळत आहे. सातत्याने चांगली कामगिरी करत आहे. 2023 च्या एकदिवसीय विश्वचषकात मोहम्मद शमीने शानदार गोलंदाजी सादर केली. जरी, मोहम्मद शमीची देशांतर्गत क्रिकेटमध्ये कामगिरी अपेक्षेनुसार झाली नाही, तरी या आधारावर तुम्ही असे म्हणू शकत नाही की तो एक वाईट गोलंदाज आहे.”
रोहित शर्मा म्हणाला की, मोहम्मद शमीने भारतासाठी चांगली गोलंदाजी केली आहे, त्याने खूप विकेट्स घेतल्या आहेत, त्याने भारतासाठी बरेच सामने जिंकले आहेत. तर, तुम्हाला त्याबद्दल विचार करावा लागेल. रोहित शर्मा पुढे गमतीने म्हणाला की आपली स्मरणशक्ती फारशी चांगली नाही, आपल्याला हे लक्षात ठेवावे लागेल की मोहम्मद शमीने एकदिवसीय विश्वचषकात अनेक सामने स्वतःच्या बळावर जिंकले होते. या गोलंदाजाने अनेक सामन्यांमध्ये 5 विकेट्स घेतल्या होत्या.भारतीय कर्णधार रोहित शर्माने मोहम्मद शमीच्या निवडी आणि फॉर्मवर आपली प्रतिक्रिया दिली आहे.
हेही वाचा :
IND vs ENG: ‘मी येथे स्पष्टीकरण…..’, निवृत्तीच्या प्रश्नावर हिटमॅनच्या तळपायाची आग मस्तकात
सरकारने भारतीय खेळाडूसाठी तिजोरी उघडली, बक्षीस म्हणून 1 कोटी रुपयांची घोषणा
IND vs ENG: पहिल्या वनडे सामन्यासाठी टीम इंडियाची संभाव्य प्लेइंग 11, हा खेळाडू ‘एक्स’फॅक्टर
