शुबमन गिलच्या नेतृत्वाखाली, भारतीय क्रिकेट संघ 20 जूनपासून सुरू होणाऱ्या इंग्लंड दौऱ्यावर 5 सामन्यांची कसोटी मालिका खेळणार आहे. पहिली कसोटी लीड्समधील हेडिंग्ले क्रिकेट ग्राउंडवर खेळली जाईल. वरिष्ठ संघासोबतच भारताचा 19 वर्षांखालील संघही इंग्लंड दौऱ्यावर आहे, ज्याचे नेतृत्व आयुष म्हात्रे करत आहे. या संघात आयपीएल 2025 मध्ये शानदार फलंदाजी करणारा 14 वर्षीय वैभव सूर्यवंशी देखील आहे.
आयुष म्हात्रेच्या नेतृत्वाखालील भारत- अंडर19 संघ 24 जून ते 23 जुलै दरम्यान 50 षटकांचा सराव सामना, 5 एकदिवसीय सामने आणि 2 बहु-दिवसीय सामने खेळेल. परंतु या दौऱ्यापूर्वीच, 2 खेळाडूंसाठी वाईट बातमी आहे, त्यांना दुखापतीमुळे वगळण्यात आले. भारतीय क्रिकेट नियामक मंडळाने (बीसीसीआय) दोन्ही खेळाडूंच्या बदलीची घोषणा केली आहे.
इंग्लंड दौऱ्यापूर्वी दुखापतीमुळे आदित्य राणा आणि खिलन पटेल यांना संघाबाहेर ठेवण्यात आले आहे. बीसीसीआय ज्युनियर क्रिकेट समितीने त्यांच्या जागी दीपेश आणि नमन पुष्पक यांचा समावेश केला आहे. या दोन्ही खेळाडूंना या दौऱ्यासाठी स्टँडबाय खेळाडूंच्या यादीत समाविष्ट करण्यात आले आहे.
बीसीसीआयने जारी केल्या निवेदनात म्हटले आहे की आदित्यला पाठीच्या कंबरेला दुखापत झाली आहे, त्याला स्ट्रेस फ्रॅक्चर आहे. बेंगळुरू येथील सेंटर ऑफ एक्सलन्स येथे झालेल्या शिबिरादरम्यान खिलन पटेलला उजव्या पायाची दुखापत झाली आहे.
आयुष म्हात्रेचा आयपीएल 2025 मध्ये चेन्नई सुपर किंग्ज संघात समावेश करण्यात आला होता, त्याला शानदार कामगिरीनंतर 19 वर्षांखालील संघाचे कर्णधारपद देण्यात आले होते. लिलावात म्हात्रे विकले गेला नाही, परंतु कर्णधार ऋतुराज गायकवाड जखमी झाल्यानंतर त्याला संघात समाविष्ट करण्यात आले. गायकवाड बाहेर पडल्यानंतर एमएस धोनीने संघाची सूत्रे हाती घेतली. म्हात्रेने 7 डावात 240 धावा केल्या.
14 वर्षीय वैभव सूर्यवंशी हा इंग्लंड दौऱ्यात 19 वर्षांखालील संघाचाही भाग आहे, त्याच्या कामगिरीवर सर्वांचे लक्ष असेल. त्याने आयपीएलमध्ये 35 चेंडूत शतक ठोकले, जे आयपीएलच्या इतिहासातील भारतीय खेळाडूने केलेले सर्वात जलद शतक आहे. राजस्थानकडून खेळणाऱ्या वैभवने आयपीएलमध्ये 7 डावात 252 धावा केल्या.
बदलीनंतर भारताचा 19 वर्षांखालील संघ
आयुष म्हात्रे (कर्णधार), अभिज्ञान कुंडू (उपकर्णधार आणि यष्टीरक्षक), वैभव सूर्यवंशी, राहुल कुमार, विहान मल्होत्रा, मौल्यराज सिंग चावडा, हरवंश सिंग (यष्टीरक्षक), आर. एस. अम्ब्रीश, कनिष्क चौहान, हेनिल पटेल, मोहम्मद इनान, दीपेश, नमन पुष्पक, अनमोलजीत सिंग, युधाजीत गुहा, प्रणव राघवेंद्र
