भारत विरूद्ध न्यूझीलंड (Champions Trophy 2025) यांच्यातील आयसीसी चॅम्पियन्स ट्रॉफी 2025 चा अंतिम सामना दुबई आंतरराष्ट्रीय क्रिकेट स्टेडियमवर खेळला जात आहे. या सामन्यात न्यूझीलंड संघाचा कर्णधार मिचेल सँटनरने नाणेफेक जिंकल्यानंतर प्रथम फलंदाजी करण्याचा निर्णय घेण्यास उशीर केला नाही. किवी संघाने जेतेपदाच्या सामन्यासाठी त्यांच्या प्लेइंग 11 मध्ये एक बदल केला आहे, ज्यामध्ये मॅट हेन्रीच्या जागी नॅथन स्मिथचा समावेश आहे. नाणेफेक जिंकून प्रथम फलंदाजी केल्यानंतर, न्यूझीलंडने आक्रमक सुरुवात केली आणि भारताविरुद्ध बांगलादेशचा 14 वर्ष जुना विक्रम मोडला.
भारताविरुद्ध चॅम्पियन्स ट्रॉफीच्या अंतिम सामन्यात प्रथम फलंदाजी करताना किवी संघाने सुरुवातीच्या पॉवरप्लेमध्ये एका विकेटच्या मोबदल्यात 69 धावा केल्या. यासह, न्यूझीलंड संघाने 2011 मधील बांगलादेश संघाचा विक्रम मागे टाकला आहे. 2011 च्या एकदिवसीय विश्वचषकात भारताविरुद्ध फलंदाजी करताना, बांगलादेश संघाने पॉवरप्लेमध्ये एका विकेटच्या मोबदल्यात 68 धावा केल्या होत्या. त्याच वेळी, न्यूझीलंड संघाने आता या विशेष यादीत प्रवेश करून चौथ्या क्रमांकावर आपले स्थान निर्माण केले आहे. 2003 च्या एकदिवसीय विश्वचषक सामन्यात भारतीय संघाविरुद्ध आयसीसी एकदिवसीय स्पर्धेत पॉवरप्लेमध्ये सर्वाधिक धावा करण्याचा विक्रम ऑस्ट्रेलियन संघाच्या नावावर आहे. त्या सामन्यात कांगारू संघाने एकूण 80 धावा केल्या होत्या.
आयसीसी एकदिवसीय स्पर्धेतील भारताविरुद्धच्या सामन्यांमध्ये पॉवरप्लेमध्ये सर्वाधिक धावा करणारे संघ
ऑस्ट्रेलिया – 1 बाद 80 धावा (2003, जोहान्सबर्ग)
इंग्लंड – 1 बाद 77 (2011, बंगळुरू)
दक्षिण आफ्रिका – 2 बाद 77 (2013, कार्डिफ)
न्यूझीलंड – 1 बाद 69 धावा (2025, दुबई)
बांगलादेश – 1 बाद 68 धावा (2011, मिरपूर)
हेही वाचा –
विराटने मिठी मारली की रिटायरमेंट पक्की! पहा फोटो काय सांगतायेत?
मैदानातच रोहितची विशेष पूजा, जर्सीवर हात ठेवून घेतली देवाची कृपा!
युझवेंद्र चहलची फायनलला हजेरी! पहा सोबत आलंय कोण?
