युवा रिचा घोषचा न्यूझीलंडविरुद्ध झंझावात! तुफानी अर्धशतकासह मोडला १४ वर्ष जुना विक्रम

रिचा आता भारतीय महिला संघासाठी एकदिवसीय क्रिकेटमध्ये सर्वात वेगवान अर्धशतक करणारी खेळाडू ठरली. अर्धशतक पूर्ण करण्यासाठी तिला अवघे २६ चेंडू लागले. जागतिक क्रिकेटमध्ये फक्त ६ अशा महिला खेळाडू आहेत, ज्यांना २६ किंवा त्यापेक्षा कमी चेंडूंमध्ये एकदिवसीय अर्धशतक पूर्ण करता आले आहे. या कामगिरीसोबतच रिचाने भारतीय महिला संघाच्या रुमेली धर हिचा १४ वर्षांपूर्वीचा विक्रम मोडला आहे. रुमेली धरने २००८ मध्ये २८ चेंडूंमध्ये श्रीलंका संघाविरुद्ध खेळताना अर्धशतक पूर्ण केले होते. आता रिचा या यादीत पहिल्या क्रमांकावर आली आहे.

रिचा घोषने न्यूझीलंडविरुद्धच्या या एकदिवसीय सामन्यात केलेल्या ५२ धावांमध्ये ४ चौकार आणि ४ षटकारांचा समावेश आहे. आता ती महिला एकदिवसीय क्रिकेटमध्ये सर्वाधिक षटकार मारणारी भारतीय यष्टीरक्षक फलंदाज बनली आहे. यापूर्वी इतर यष्टीरक्षक फलंदाजांनी एकत्र मिळून ४ एकदिवसीय षटकार मारले आहेत. याचाच अर्थ असा होतो की, एकाच एकदिवसीय सामन्यात युवा खेळाडू रिचा घोषने दोन मोठ्या विक्रमांची नोंद केली आहे.

महत्वाच्या बातम्या –

ऑस्ट्रेलियन खेळाडूंवर कोट्यावधींची बोली लावून फसले आयपीएल संघ; वाचा सविस्तर

वाद तापल्यानंतर अखेर साहाने घेतली माघार! ‘त्या’ पत्रकाराविषयी म्हणाला…

वयाच्या ३१ व्या वर्षी ‘या’ महिला भारतीय सलामीवीराने क्रिकेटला केला अलविदा, अशी राहिलीय कारकिर्द