दक्षिण आफ्रिका विरुद्ध भारत यांच्यातील जोहान्सबर्ग कसोटी (Johannesburg Test) च्या दुसऱ्या दिवशी (04 जानेवारी) शार्दुल ठाकूर (Shardul Thakur) याच्या उत्कृष्ट गोलंदाजीनंतर सर्व दिग्गजांनी त्याचे कौतुक केले आणि या प्रकरणात मास्टर ब्लास्टर सचिन तेंडुलकर (Sachin Tendulkar) हाही मागे राहिला नाही. त्याने ट्विट करून शार्दुलचे अभिनंदनही (Sachin Praises Shardul) केले. शार्दुलनेही दिग्गज खेळाडूने आपले कौतुक केल्यानंतर आनंद व्यक्त केला आणि त्याच्या स्तुतीला मनोबल वाढवणारे म्हटले.
शार्दुलने त्याच्या उत्कृष्ट गोलंदाजीने दक्षिण आफ्रिकेचा पहिला डाव उध्वस्त करून कसोटी क्रिकेटमधील सर्वोत्तम गोलंदाजी नोंदवली. त्याने17.5 षटकात 61 धावा देत 7 फलंदाजांना आपला बळी बनवले.
काय म्हणाला शार्दुल?
मास्टर ब्लास्टरकडून मिळालेल्या स्तुतीबद्दल प्रतिक्रिया व्यक्त करताना ठाकूरने बीसीसीआयवरील संभाषणात गोलंदाजी प्रशिक्षक पारस महांब्रे यांना सांगितले, “क्रिकेटच्या देवाने स्वतः माझ्याबद्दल ट्विट केले हे माझे भाग्य आहे. मुंबईकर असल्यामुळे मी त्याच्यासोबत काही सामने खेळले आहेत. एक युवा खेळाडू म्हणून त्याने मला नेहमीच पाठिंबा दिला आहे आणि त्याच्याकडून क्रिकेटबद्दल ऐकणे नेहमीच चांगले असते, हे मनोबल वाढवणारे आहे.”
Congratulations to @imShard on picking up 7 wickets with his steady bowling and variations. Good support by the others.#SAvIND
— Sachin Tendulkar (@sachin_rt) January 4, 2022
शार्दुल ठाकूरने आपल्या कारकिर्दीतील सर्वोत्तम कामगिरी तसेच दक्षिण आफ्रिकेविरुद्ध सर्वोत्तम गोलंदाजी केली आहे. यापूर्वी हा पराक्रम आर अश्विनच्या नावावर होता, ज्याने नागपुरमध्ये 7/66 नोंदवले होते.
गोलंदाजी प्रशिक्षकाशी संवाद साधताना शार्दुलला त्याच्या लोकप्रिय टोपणनाव “लॉर्ड” बद्दल देखील विचारण्यात आले. यावर अष्टपैलूने स्पष्टपणे सांगितले की, हे नाव कोणी आणले हे मला माहित नाही.
शार्दुल पुढे म्हणाला,” खरेच मला कोणी प्रभु असे नाव दिले माहीत नाही. मला खात्री आहे की त्याची सुरुवात इंग्लंडविरुद्धच्या घरच्या मालिकेत झाली होती, जेव्हा आम्ही आयपीएलच्या आधी ऑस्ट्रेलियाहून परतलो. ती अशी मालिका होती, ज्यात मी एका षटकात सलग दोन विकेट घेतल्या. तिथून मला हे नाव पडले.”
महत्त्वाच्या बातम्या-
एटीकेच्या डेव्हिड विलियम्सनं सर्वात जलद गोल नोंदवला, पण हैदराबादनं सामना बरोबरीत सोडवला
श्रीलंकेच्या झंझावाती फलंदाजाने सोडले क्रिकेट, चक्क फिटनेस टेस्टला कंटाळून घेतला निवृत्तीचा निर्णय!
हेही पाहा-
