दुसऱ्या सामन्यासाठी Cuttack शहरात पोहोचताच भारतासह दक्षिण आफ्रिकी खेळाडूंचे जंगी स्वागत, Video Viral

भारत आणि दक्षिण आफ्रिका यांच्यातील टी-२० मालिकेचा पहिला सामना दिल्लीमध्ये खेळला गेला. दिल्लीच्या अरुण जेटली स्टेडियमवर खेळल्या गेलेल्या या सामन्यात भारताला ७ विकेट्सने पराभव स्वीकारावा लागला. आता उभय संघातील दुसरा सामना ओडिशाच्या कटक शहरामधील बाराबती स्टेडियममध्ये खेळला जाणार आहे.  दोन्ही संघ याठिकाणी पोहोचले आहेत आणि चाहत्यांनी त्यांचे जंगी स्वागत देखील केले आहे.

टी-२० मालिकेतील हा दुसरा सामना १२ जून रोजी खेळला जाणार आहे. कोरोना महामारीमुळे मागच्या मोठ्या काळापासून कटकमध्ये आंतरराष्ट्रीय सामना खेळला गेला नाहीये. अशात चाहत्यांमध्ये या सामन्यासाठी उत्साह स्पष्टपणे दिसत आहे. या सामन्यासाठी भारत आणि दक्षिण आफ्रिका दोन्ही संघ शुक्रवारी (१० जून) ओडिशात दाखल झाले. दोन्ही संघ दुपारी दोनच्या दरम्यान भुवनेश्वरच्या बीजू पटनायक आंतरराष्ट्रीय विमानतळावर पोहोचले. याठिकाणी त्यांचे स्वागत करण्यासाठी शेकडो क्रिकेटप्रेमी उपस्थित होते.