ऑलिम्पिकमध्ये भारत-पाकिस्तान सामना होणार रद्द? नियमांवरून मोठा गदारोळ निश्चित! काय आहे संपूर्ण प्रकरण?

India vs Pakistan: क्रिकेट 128 वर्षांनंतर पुन्हा एकदा ऑलिंपिकमध्ये समाविष्ट होणार आहे. 2028 मध्ये लॉस एंजेलिसमध्ये होणारे ऑलिम्पिक जिंकणे ही मोठी गोष्ट आहेच, पण या ऑलिम्पिकमध्ये क्रिकेट संघांसाठी पात्र ठरणे हीच मोठी बाब असेल. लॉस एंजेलिस ऑलिम्पिकमध्ये केवळ 6 संघच सहभागी होऊ शकतात. या ऑलिम्पिकसाठी क्रिकेटचे नियम खूप कडक केले जात आहेत. (Cricket Olympic Rules)

लॉस एंजेलिस ऑलिंपिकमध्ये पात्र ठरणाऱ्या संघांची नावे प्रादेशिक रँकिंगच्या आधारावर निश्चित केली जातील, जी 12 ते 29 जुलै दरम्यान पोमोना येथे आयोजित केली जाईल. यावरून हे स्पष्ट होते की, आशिया, ओशिनिया, युरोप आणि आफ्रिका या खंडांमधील फक्त टॉप रँकिंग मिळवणारे संघच ऑलिम्पिकसाठी पात्र ठरू शकतील. 2028 चे ऑलिम्पिक अमेरिकेत होणार असल्याने, या देशाचा संघही सहभागी होईल. 4 खंडांमधील संघ आणि 1 अमेरिकेचा संघ या व्यतिरिक्त, सहाव्या संघाची निवड एका टूर्नामेंटद्वारे केली जाईल. (Cricket Olympic Selection Process)

ऑलिम्पिकमध्ये क्रिकेटच्या नियमांनुसार आशियामध्ये केवळ टॉप रँकिंग मिळवणारा संघच पात्र ठरू शकतो. ऑलिंपिकमध्ये सामने 20-20 षटकांचे खेळले जातील, त्यामुळे आयसीसी टी20 रँकिंगमध्ये भारत नंबर 1 असेल आणि पाकिस्तान नंबर 2 असेल, तेव्हा फक्त भारतच ऑलिम्पिकसाठी पात्र ठरेल, तर पाकिस्तान या स्पर्धेतून न खेळताच बाहेर पडेल. तसेच, जर भारताव्यतिरिक्त आशियातील कोणताही संघ आयसीसी रँकिंगमध्ये टॉपवर राहिला, तर तो ऑलिम्पिकमध्ये पात्र ठरेल. (Olympics 2028 Cricket Qualification)

ऑलिम्पिकमध्ये पात्र ठरण्यासाठी बाहेर पडलेल्या संघांना एक शेवटची संधी मिळेल. जर न्यूझीलंड, पाकिस्तान, बांगलादेश, श्रीलंका आणि अफगाणिस्तानचे संघ रँकिंगद्वारे पात्र ठरू शकले नाहीत, तर त्यांना क्वालिफायर्समध्ये जावे लागेल. या सर्व संघांपैकी जो संघ ही टूर्नामेंट जिंकेल, तो ऑलिम्पिकसाठी पात्र ठरेल. (Olympic Cricket Qualification Tournament)