जगात कोणत्याच संघाला जमली नाही अशी कामगिरी केली १९ वर्षांखालील टीम इंडियाने

दक्षिण आफ्रिकेत सुरु असलेल्या 19 वर्षांखालील विश्वचषकात मंगळवारी(28 जानेवारी) 19 वर्षांखालील भारतीय संघ विरुद्ध 19 वर्षांखालील ऑस्ट्रेलिया संघात उपांत्यपूर्व फेरीचा सामना झाला. या सामन्यात युवा भारतीय संघाने 74 धावांनी विजय मिळवला आहे. तसेच उपांत्य फेरीत प्रवेश केला आहे.

हा विजय भारतीय संघासाठी खास ठरला आहे. कारण हा भारताचा 19 वर्षांखालील वनडेमधील 200 वा विजय होता. 19 वर्षांखालील गटात वनडेमध्ये 200 विजय मिळवणारा भारत हा जगातील पहिलाच संघ ठरला आहे. भारताने आत्तापर्यंत 19 वर्षांखालील गटात 261 सामने खेळले आहेत. त्यात 200 सामन्यात विजय आणि 56 पराजय स्विकारला आहे. तसेच 3 सामने अनिर्णित तर 2 सामने बरोबरीत सुटले आहेत.

https://twitter.com/Maha_Sports/status/1222332863820943363

मंगळवारी झालेल्या सामन्यात भारताने ऑस्ट्रेलियाला 234 धावांचे आव्हान दिले होते. या आव्हानाचा पाठलाग करताना ऑस्ट्रेलियाला 43.3 षटकात सर्वबाद 159 धावा करता आल्या. ऑस्ट्रेलियाकडून सॅम फॅनिंगने 75 धावांची खेळी करत एकाकी लढत दिली.

या सामन्यात भारतीय गोलंदाज कार्तिक त्यागीने 21 षटकांच्या आत 4 विकेट्स घेत भारताला चांगली सुरुवात करुन दिली होती. मात्र सलामीवीर फलंदाज सॅम फॅनिंगने एक बाजू लढवत ठेवत ऑस्ट्रेलियाचा डाव सांभाळला.

त्याने पहिल्या 5 विकेट्स 68 धावांतच गेल्यानंतर लियाम स्कॉटच्या साथीने सहाव्या विकेटसाठी 81 धावांची भागीदारी रचली. पण स्कॉट 35 धावांवर बाद झाल्याने ही जोडी तुटली. यानंतर मात्र पुढच्या 10 धावांत ऑस्ट्रेलियाने उर्वरित सर्व विकेट्स गमावल्या.

भारताकडून त्यागीने सर्वाधिक 4 विकेट्स घेतल्या. तसेच आकाश सिंगने 3 विकेट्स आणि रवी बिश्नोईने 1 विकेट घेतली.

तत्पूर्वी या सामन्यात प्रथम फलंदाजी करताना भारताने 9 बाद 233 धावा केल्या. यामध्ये भारताकडून यशस्वी जयस्वालने 82 चेंडूत सर्वाधिक 62 धावा केल्या. तर अथर्व अंकोलेकरने नाबाद 55 धावांची खेळी केली. तसेच रवी बिश्नोईने 30 धावांची छोटेखानी खेळी केली.

ऑस्ट्रेलियाकडून कोरे केली आणि टॉड मर्फीने प्रत्येकी 2 विकेट्स घेतल्या. तर तन्वीर संघा, कोनॉर सली आणि मॅथ्यू विलन्सने प्रत्येकी 1 विकेट घेतली.

19 वर्षांखालील गटात वनडेमध्ये सर्वाधिक विजय मिळवणारे संघ –

200 विजय – भारत (261 सामने)

151 विजय – पाकिस्तान (244 सामने)

140 विजय – बांगलादेश (231 सामने)

138 विजय – श्रीलंका (295 सामने)

137 विजय – ऑस्ट्रेलिया (232 सामने)

127 विजय – इंग्लंड (319 सामने)

असा झाला पाँटिंगचा 'पंटर', जाणून घ्या कारण
वाचा👉https://t.co/MQqfvnLNyZ👈#म #मराठी #Cricket @RickyPonting

— Maha Sports (@Maha_Sports) January 28, 2020

…आणि टीम इंडियाविरुद्ध एकही चेंडू खेळण्याआधीच तो फलंदाज झाला बाद
वाचा👉https://t.co/QjiDgPljcP👈#म #मराठी #Cricket #TeamIndia #U19CWC

— Maha Sports (@Maha_Sports) January 28, 2020