लॉर्ड्स कसोटीच्या तिसऱ्या दिवशी शतक झळकावल्यानंतर केएल राहुल शोएब बशीरचा बळी ठरला. लॉर्ड्सवर दोन शतके झळकावणारा राहुल हा पहिला भारतीय सलामीवीर आहे. त्याने 176 चेंडूत त्याच्या कसोटी कारकिर्दीतील 10 वे शतक झळकावले. त्याआधी, दुपारच्या जेवणापर्यंत भारताने 4 विकेट गमावून 248 धावा केल्या होत्या. पहिले सत्र पूर्णपणे भारताच्या ताब्यात होते. तथापि, दुपारच्या जेवणापूर्वी शेवटच्या षटकात रिषभ पंत धावबाद झाला. 74 धावा करून रिषभ पंत पॅव्हेलियनमध्ये परतला. दुसरीकडे, केएल राहुल अजूनही क्रीजवर आहे आणि 98 धावांवर नाबाद आहे. बाद होण्यापूर्वी रिषभ पंतने इंग्लंडमध्ये विव रिचर्ड्सचा षटकारांचा विक्रम मोडला आहे आणि तो इंग्लंडमध्ये परदेशी फलंदाजाकडून सर्वाधिक षटकार मारणारा खेळाडू बनला आहे.
त्याआधी लॉर्ड्स कसोटीच्या दुसऱ्या दिवशी भारतीय संघाने दिवसअखेर 3 गडी गमावून 145 धावा केल्या. केएल राहुलने 53 आणि रिषभ पंतने 19 धावा केल्या. भारताची सुरुवात चांगली झाली नाही. केएल राहुलसोबत डावाची सुरुवात करण्यासाठी आलेला यशस्वी जयस्वाल वेगवान गतीने धावा काढण्याच्या प्रयत्नात जोफ्रा आर्चरचा बळी ठरला. जयस्वाल फक्त 13 धावा काढून लवकर बाद झाला.
तिसऱ्या क्रमांकावर खेळणाऱ्या करुण नायरने पुन्हा एकदा चांगली सुरुवात केली, पण तरीही तो पुन्हा एकदा मोठी खेळी करण्यात अपयशी ठरला. नायरने 62 चेंडूत 4 चौकारांसह 40 धावा काढल्यानंतर बाद झाला. नायरने दुसऱ्या विकेटसाठी केएल राहुलसोबत 61 धावांची भागीदारी केली. इंग्लंडचा कर्णधार बेन स्टोक्सने नायरला आपला शिकार बनवले. गेल्या 4 डावात तीन शतके झळकावणारा भारतीय कर्णधार शुबमन गिल 16 धावा काढून बाद झाला. गिलला वोक्सने बाद केले.
