हरमनप्रीत कौरच्या नेतृत्वाखालील भारतीय महिला क्रिकेट संघाने ICC महिला वर्ल्ड कप 2025च्या सहाव्या सामन्यात पाकिस्तानला 88 धावांनी पराभव करत मोठी कामगिरी केली. ”टीम इंडियाचा हा स्पर्धेतील दुसरा विजय”असून, या यशामुळे भारताने पॉइंट्स टेबलवर ऑस्ट्रेलियाला मागे टाकत पहिले स्थान मिळवले. ऑस्ट्रेलियाचा सामना श्रीलंका विरुद्ध रद्द झाल्यामुळे कंगारू संघ आता 3 पॉइंट्ससह दुसऱ्या स्थानी आहे.
भारताने आतापर्यंत दोन सामने खेळले आहेत. सलामी सामन्यात भारताने श्रीलंका वर 59 धावांनी विजय मिळवला होता, तर पाकिस्तानवर 88 धावांनी मात केली. या विजयामुळे टीम इंडियाचा नेट रन रेट सुध्दा वाढला असून आता तो +1.515 झाला आहे.
पाकिस्तानच्या संघाचा हा सलग दुसरा पराभव आहे. याआधी फातिमा सानाच्या नेतृत्वाखाली पाकिस्तानला बांगलादेशकडून हरवले गेले होते. सध्या पाकिस्तान पॉइंट्स टेबलवर सहाव्या स्थानी आहे.
सध्याच्या टॉप-4 संघांमध्ये भारत, ऑस्ट्रेलिया, इंग्लंड आणि बांगलादेश आहेत. स्पर्धेत एकूण 8 संघ सहभागी आहेत.
पॉइंट्स टेबल अपडेट:
| संघ | सामने | जिंकले | हरले | टाय | नो रिझल्ट | पॉइंट्स | नेट रन रेट |
|---|---|---|---|---|---|---|---|
| भारत | 2 | 2 | 0 | 0 | 0 | 4 | +1.515 |
| ऑस्ट्रेलिया | 2 | 1 | 0 | 0 | 1 | 3 | +1.780 |
| इंग्लंड | 1 | 1 | 0 | 0 | 0 | 2 | +3.773 |
| बांगलादेश | 1 | 1 | 0 | 0 | 0 | 2 | +1.623 |
| श्रीलंका | 1 | 0 | 1 | 0 | 1 | 1 | -1.255 |
| पाकिस्तान | 2 | 0 | 2 | 0 | 0 | 0 | -1.777 |
| न्यूझीलंड | 1 | 0 | 1 | 0 | 0 | 0 | -1.780 |
| दक्षिण आफ्रिका | 1 | 0 | 1 | 0 | 0 | 0 | -3.773 |
भारताने टॉस गमावून प्रथम फलंदाजी करत 247 धावा केल्या. प्रत्युत्तरात पाकिस्तानचा डाव 159 धावांत संपला, ज्यात क्रांती गौड आणि दीप्ती शर्माने प्रत्येकी 3-3 विकेट घेतली. या विजयासह भारताने पॉइंट्स टेबलवर पहिले स्थान मिळवले.
