सिडनी येथे खेळल्या गेलेल्या पहिल्या वनडे सामन्यात भारतीय क्रिकेट संघाने निराशाजनक कामगिरी केली. परिणामी, भारतीय संघाला ६६ धावांनी पराभवाला सामोरे जावे लागले. आता मालिका वाचवण्यासाठी भारतीय संघाला रविवारी चांगला खेळ दाखवावा लागेल. दुसरा वनडे सामनाही सिडनी येथेच खेळवला जाणार आहे. या महत्त्वाच्या सामन्यात एक मजबूत संघ मैदानात उतरण्याचे आव्हान भारतीय कर्णधारासमोर असेल. भारतीय संघात या सामन्यासाठी एक किंवा दोन बदल होण्याची शक्यता आहे. दुसऱ्या वनडेसाठी जे दोन बदल होऊ शकतात, त्या बदलांविषयी आपण जाणून घेऊया.
१. बदलली जाऊ शकते सलामी जोडी
पहिल्या सामन्यात भारतीय संघाला सहाव्या गोलंदाजाची उणीव भासली होती. हे पाहता भारतीय संघ मोठा निर्णय घेऊ शकतो. युवा सलामीवीर मयंक अगरवालला अंतिम अकरामधून वगळून त्याच्या जागी आणखी एका गोलंदाजाला संधी देण्याचा पर्याय खुला आहे. त्याजागी, मुंबईकर शार्दुल ठाकूरच्या नावाची चर्चा सुरू आहे. कारण, तो स्विंग गोलंदाजीसह खालच्या फळीत चांगली फलंदाजी करू शकतो. मयंक अगरवालला वगळल्यास यष्टीरक्षक केएल राहुलला सलामीला पाठविण्यात येऊ शकते.
२. कुलदीप यादवला दिली जाऊ शकते संधी
सिडनी येथील पहिल्या वनडे सामन्यात युजवेंद्र चहल अत्यंत महागडा ठरला होता. चहलने आपल्या १० षटकांत ८९ धावा दिल्या होत्या. चहलच्या गोलंदाजीवर ५ षटकार आणि ५ चौकार लगावले गेले होते. त्याने दिलेल्या ८९ धावांपैकी ५० धावा चौकार-षटकारांनी ठोकल्या गेलेल्या. अशा परिस्थितीत त्याच्या जागी कुलदीप यादवला संधी दिली जाऊ शकते. गेल्या काही वर्षांत कुलदीप यादवने ऑस्ट्रेलियन फलंदाजांना चांगलेच त्रस्त केले आहे.
असा असू शकतो दुसऱ्या सामन्यात भारतीय संघ:
शिखर धवन, केएल राहुल (यष्टीरक्षक), विराट कोहली (कर्णधार), श्रेयस अय्यर, हार्दिक पंड्या, रवींद्र जडेजा, शार्दुल ठाकूर, मोहम्मद शमी, नवदीप सैनी, जसप्रीत बुमराह, कुलदीप यादव
महत्त्वाच्या बातम्या-
टीम इंडियाला शतकी तडाखा दिलेला फिंच आरसीबी फॅन्सकडून ट्रोल; मीम्स झाले व्हायरल
‘मला आरसीबीसाठी खेळायला मिळेल का?’, इंग्लंडच्या कर्णधाराच्या प्रश्नावर विराटने दिले ‘हे’ उत्तर
फलंदाज म्हणून हार्दिक ऐवजी ‘या’ खेळाडूला मिळाली पाहिजे होती संधी, माजी भारतीय दिग्गजाचे वक्तव्य
ट्रेंडिंग लेख-
वनडेत सर्वाधिक वेळा ३०० हून अधिक धावा करणारे संघ, भारताच्या नावे ‘हा’ विक्रम
आयपीएलमध्ये सुपर फ्लॉप ठरलेले ३ ऑस्ट्रेलियन खेळाडू भारताविरुद्ध पहिल्या वनडेत चमकले
भारताला ऑस्ट्रेलियाविरुद्ध पहिल्या वनडे सामन्यात ‘या’ तीन कारणामुळे पराभव पहावा लागला