भारतीय क्रिकेट संघ २०२६ च्या टी-२० विश्वचषकातील दुसऱ्या सामन्यासाठी सज्ज आहे. सूर्यकुमार यादवच्या नेतृत्वाखाली टीम इंडिया आज नामिबियाविरुद्ध मैदानात उतरणार आहे. हा सामना दिल्लीतील अरुण जेटली स्टेडियमवर खेळला जाईल. सामन्याची संपूर्ण माहिती आणि प्रसारण जाणून घ्या.
टीम इंडियाने पहिल्या सामन्यात अमेरिकेला हरवून विजय मिळवण्यास सुरुवात केली आहे. दोन गुणांसह, भारताचा नेट रन रेटही चांगला आहे. दुसरीकडे, नामिबियाला पहिल्या सामन्यात पराभवाचा सामना करावा लागला. त्यामुळे आजच्या सामन्यात दोन्ही संघांसाठी हा सामना महत्त्वाचा असेल.
भारत विरुद्ध नामिबिया सामना संध्याकाळी ७ वाजता सुरू होईल. त्यापूर्वी, टॉस संध्याकाळी ६.३० वाजता होईल. जर सामना पूर्ण २० षटकांचा असेल तर तो रात्री १०.३० वाजता संपेल. भारतीय संघाचे सर्व सामने संध्याकाळी ७ वाजता खेळवले जातील.
भारत विरुद्ध नामिबिया सामन्याचे थेट प्रक्षेपण स्टार स्पोर्ट्स नेटवर्कवर पाहता येईल. विविध भाषांमध्ये समालोचनाचे पर्याय उपलब्ध असतील. मोबाईलवर सामना पाहण्यासाठी जिओ हॉटस्टार अॅपचा वापर करता येईल. अॅप अपडेट ठेवणे आवश्यक आहे.
तुम्ही डीडी स्पोर्ट्स चॅनेलवर हा सामना मोफत पाहू शकता. तथापि, यासाठी तुमच्याकडे डीडी फ्री डिश कनेक्शन असणे आवश्यक आहे. हा सामना इतर डीटीएच किंवा केबल कनेक्शनवर उपलब्ध असणार नाही.
दोन्ही संघाचे स्क्वाॅड-
भारत- ईशान किशन (यष्टीरक्षक), अभिषेक शर्मा, तिलक वर्मा, सूर्यकुमार यादव (कर्णधार), शिवम दुबे, रिंकू सिंग, हार्दिक पांड्या, अक्षर पटेल, अर्शदीप सिंग, वरुण चक्रवर्ती, मोहम्मद सिराज, जसप्रीत बुमराह, कुलदीप यादव, संजू सॅमसन, वॉशिंग्टन सुंदर.
नामिबिया- लोरेन स्टीनकॅम्प, जान फ्रायलिंक, जान निकोल लोफ्टी-ईटन, गेरहार्ड इरास्मस (कर्णधार), जे.जे. स्मित, झेन ग्रीन (यष्टीरक्षक), रुबेन ट्रम्पेलमन, डायलन लीचर, विलेम मायबर्ग, बर्नार्ड स्कोल्झ, मॅक्स हेंगो, मलान क्रुगर, बेन शिकोंगो, जॅक ब्रासेल, जॅन बाल्ट.
