‘तू जो मिला…’, टीम इंडियाच्या ‘गब्बर’ची मुलगा झोरावरसोबत जोरदार मस्ती, व्हिडिओ भन्नाट व्हायरल

भारतीय संघ 3 टी20 आणि 3 वनडे सामन्यांच्या मालिकेसाठी न्यूझीलंड दौऱ्यावर गेला आहे. या दौऱ्यात भारताच्या टी20 संघाची धुरा हार्दिक पंड्या याच्या खांद्यावर आहे. यातील पहिला सामना शुक्रवारी (दि. 18 नोव्हेंबर) वेलिंग्टन येथे खेळला जाणार होता. मात्र, या सामन्यात पावसाने रोडा घातल्यामुळे सामना रद्द झाला. आता दुसरा सामना रविवारी (दि. 20 नोव्हेंबर) माऊंट माऊंगनुई येथे खेळला जाणार आहे. टी20 मालिकेनंतर भारताला 3 सामन्यांची वनडे मालिका खेळायची आहे. भारताच्या वनडे संघाची जबाबदारी शिखर धवन याच्या खांद्यावर आहे. या मालिकेपूर्वी धवन एका व्हिडिओमुळे चर्चेत आला आहे.

खरं तर, शिखर धवन (Shikhar Dhawan) ज्या व्हिडिओमुळे चर्चेत आला आहे, त्या व्हिडिओत तो मुलगा झोरावर याच्यासोबत दिसत आहे. शिखर धवनचा मुलगा झोरावर यांचा व्हिडिओ सध्या जोरदार व्हायरल होत आहे. या व्हिडिओत तो झोरावरसाठी आपले प्रेम व्यक्त करत आहे.

सलमीवीर शिखर धवनने त्याच्या अधिकृत इंस्टाग्राम अकाऊंटवर हा व्हिडिओ शेअर केला आहे. या व्हिडिओत तो झोरावरसोबत खूप मजा-मस्ती करत आहे. व्हिडिओच्या बॅकग्राऊंडमध्ये अभिनेता सलमान खान याच्या ‘बजरंगी भाईजान’ सिनेमातील ‘तू जो मिला’ हे गाणे वाजत आहे. शिखर धवनने व्हिडिओच्या कॅप्शनमध्ये लाल रंगाच्या हार्ट इमोजीचा समावेश केला आहे. तसेच, त्याने ‘तू जो मिला’ असे लिहिले आहे. बापलेकाची ही बाँडिंग सोशल मीडियावर पसंती मिळवताना दिसत आहे.

https://www.instagram.com/reel/ClGb214ojMo/?utm_source=ig_embed&ig_rid=c0a20fd9-940c-4529-8230-da9de9166797

धवनच्या या व्हिडिओला आतापर्यंत 3 लाखांहून अधिक लाईक्स मिळाले आहेत. तसेच, या व्हिडिओवर अनेक माजी खेळाडूंनीही कमेंट्स केल्या आहेत. भारतीय संघाचा माजी अष्टपैलू इरफान पठाण यानेही कमेंट केली. त्याने लाल रंगाचा इमोजी अपलोड करत आपला आनंद व्यक्त केला आहे.

न्यूझीलंड दौऱ्यावर भारतीय वनडे संघ
शिखर धवन (कर्णधार), श्रेयस अय्यर, संजू सॅमसन, वॉशिंग्टन सुंदर, रिषभ पंत, शुबमन गिल, दीपक हुड्डा, सूर्यकुमार यादव, शार्दुल ठाकूर, शाहबाज अहमद, युझवेंद्र चहल, कुलदीप यादव, अर्शदीप सिंग, दीपक चाहर, कुलदीप सेन आणि उमरान मलिक. (Indian cricketer shikhar dhawan son zoravar reel viral on instagram see video)

महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
पदार्पणात फ्लॉप ठरलेल्या गिलच्या पाठीवर धोनीने ठेवलेला हात; स्वतः सांगितला तो किस्सा
चेन्नईने रिलीज केलेल्या खेळाडूने लावली शतकांची रांग, केली किंग कोहलीच्या ‘या’ विक्रमाची बरोबरी