विराटनंतर ‘असा’ असेल भारताचा नवीन कसोटी कर्णधार; बीसीसीआय अध्यक्षांशी दिली माहिती

काही दिवसांपासून बीसीसीआय अध्यक्षांवर संघाच्या निवड प्रक्रियेत हस्तक्षेप करण्याचे आरोप केले जात आहेत. याविषयी गांगुली म्हणाले की, “मला नाही वाटत की, मी यावर कोणाला उत्तर देण्याची गरज आहे आणि या आधारहीन आरोपांपैकी कशाला महत्व देण्याची गरज आहे. मी बीसीसीआय अध्यक्ष आहे आणि बीसीसीआय अध्यक्षाने जे काम केले पाहिजे तेच करत आहे. हे देखील स्पष्ट करतो की, मी सोशल मीडियावर एक फोटो पाहिला, ज्यामध्ये मी निवड समितीच्या बैठकीत बसल्याचे दाखवले जात आहे. मी स्पष्ट करू इच्छितो की, हा फोटो निवड समितीच्या बैठकीतील नव्हता. जयेश जॉर्ज निवड समितीचा भाग नाहीत.”

दरम्यान, विराटने कसोटी संघाचे कर्णधारपद सोडण्यापूर्वी मर्यादित षटकांतील संघाचे कर्णधारपदही सोडले होते. रोहित शर्मा सध्या भारताच्या मर्यादित षटकांतील संघाचा कर्णधार आहे. आता कसोटी संघाच्या कर्णधारपदासाठीही रोहितची दावेदार सर्वात भक्कम सांगितली जात आहे. असे असले तरी केएल राहुल, रिषभ पंत आणि रविचंद्रन अश्विन या खेळाडूंची नावेही कसोटी कर्णधारपदासाठी चर्चेत आहेत.

महत्वाच्या बातम्या –

भारत ऐतिहासिक १०००वा वनडे खेळण्यास सज्ज, पण यापूर्वीच्या ९९९ सामन्यांमध्ये कशी राहिलीय कामगिरी? वाचा

खाकीच्या भीतीने ‘त्याची’ अशी काही टरकली की, पठ्ठ्याने भारतात येण्याचेच बंद केलं

कसोटी कर्णधारपदी आपली वर्णी लागणं रोहितला वाटतंय अशक्य; म्हणे, ‘सध्यातरी त्याबद्दल विसरून जा’