क्रीडाविश्वातून एक धक्कादायक वृत्त समोर येत आहे. लाईव्ह सामन्यादरम्यान आंतरराष्ट्रीय कबड्डीपटू संदीप नांगल अंबियावर गोळ्या झाडून त्याची हत्या करण्यात आली आहे. कबड्डीपटूला जखमी अवस्थेत रुग्णालयात घेऊन जाताना, वाटेतच त्याचे निधन झाले. या बातमीमुळे क्रीडाविश्वावर शोककळा पसरली आहे.
कबड्डीपटू संदीप नांगलवर गोळ्या झाडल्यानंतर झाली चेंगराचेंगरी
पंजाबच्या जालंधर येथे सोमवारी (१४ मार्च) कबड्डी स्पर्धेतील सामना खेळला जात होता. त्यावेळी अचानक अंदाधुंद गोळीबार सुरू झाला. माध्यमांतील वृत्तांनुसार, गोळीबारादरम्यान खेळत असलेला खेळाडू संदीप नांगलला (Sandeep Nangal) गोळ्या लागल्या. त्यानंतर चेंगराचेंगरी झाली. उपस्थित लोकांनी जखमी अवस्थेत संदीपला रुग्णालयात घेऊन जात होते, पण वाटेतच त्याने आपले प्राण सोडले.
पोलिसांचा तपास सुरू
लाईव्ह सामन्यादरम्यान झालेल्या गोळीबारानंतर लगेच पोलीस घटनास्थळी पोहोचले आणि त्यांनी तपास सुरू केली. परिसरात तणावग्रस्त परिस्थिती निर्माण होऊ नये म्हणून जागोजागी पोलीस तैनात झाले आहेत.
घटनास्थळावरून आरोपी फरार
लाईव्ह कबड्डी सामन्यादरम्यान अचानक गोळीबार करत आंतरराष्ट्रीय कबड्डीपटूची हत्या केल्यानंतर आरोपी घटनास्थळावरून फरार झाली. आरोपींना पकडण्यासाठी पोलीस सतत छापेमारी करत आहेत आणि तपासही सुरू केला आहे.
मागील वर्षी राष्ट्रीय खेळाडू निशा दहियाची झाली होती हत्या
गेल्या वर्षी नोव्हेंबरमध्ये हरियाणातील सोनीपतमध्ये राष्ट्रीय खेळाडू निशा दहियाचीही हत्या करण्यात आली होती. तिच्यासोबतच तिचा भाऊ आणि आई यांचीही आरोपींनी गोळ्या झाडून हत्या केली होती. निशा दहियाच्या मृत्यूच्या वृत्ताने सोशल मीडियावर चांगलाच गोंधळ उडाला होता. राष्ट्रीय खेळाडू निशा दहियाच्या मृत्यूची बातमी सोशल मीडियावर फिरू लागली. त्यानंतर निशाने ऑलिंपिक पदक विजेती कुस्तीपटू साक्षी मलिकसोबत व्हिडिओमध्ये सर्व सत्य सांगितले आणि तिच्या मृत्यूच्या अफवेला पूर्णविराम दिला.
महत्त्वाच्या बातम्या-
संपूर्ण यादी: प्रो कबड्डीच्या आठव्या हंगामात सर्वाधिक पाँइंट्स मिळवणारे टॉप ५ रेडर्स आणि डिफेंडर्स
