आयपीएल २०२२ (IPL 2022 mega auction) च्या मेगा लिलावात खेळाडूंवर पैशाचा पाऊस पडला. यावर्षी लिलावात एकूण २०४ खेळाडूंवर बोली लागली आणि ते वेगवेगळ्या फ्रेंचायझींमध्ये सहभागी झाले. अनुभवी ऑक्शनर ह्यू एडमीड्स यांची लिलावादरम्यान प्रकृती बिघडल्यानंतर चारू शर्मा यांनी ऑक्शनरची भूमिका पार पाडली. चारू शर्मांनी कोणत्याही पूर्वतयारीशिवाय लिलाव चांगल्या प्रकारे पार पाडला. परंतु त्यांच्याकडून लिलावादरम्यान काही मोठ्या चुकाही झाल्या. अष्टपैलू वॉशिंगटन सुंदरच्या लिलावावेळी त्यांच्याकडून ही चूक झाली.
वॉशिंगटन सुंदरची बोली जेव्हा ६.५० कोटींवर पोहोचली होती, तेव्हा गुजरात टायटन्सने त्याला ६.७५ कोटी रुपयांची बोली लावली. त्यानंतर दिल्ली कॅपिटल्सने त्याच्यावर ७ कोटी रुपयांची बोली लावली. अशात ऑक्शनर चारू शर्मा यांनी ७.२५ कोटी रुपयांसाठी विचारणा केली पाहिजे होती, परंतु त्यांनी थेट ७.७५ कोटी रुपायंसाठी विचारणा केले. चारू शर्मांनी सुंदरची बोली तब्बल ५० लाख रुपयांनी वाढवली. त्यांची ही चूक लिलावावेळी शक्यतो कोणाच्या लक्षात आली नसावी. पण त्याचा व्हिडिओ मात्र आता व्हायरल होत आहे.
Charu Sharma creates big mess.For Washi Sundar, the bid was with @DelhiCapitals for 700L. The next increament should be 725L but Charu Sharma called it, "next is 775L, the bid with DC for 750L" and the bid continued from 750L.Huge controversy cooking#IPL2022MegaAuction #IPL2022 pic.twitter.com/M5NHyVj8NT
— Rohit Rohon (@rohitrohon) February 12, 2022
८.७५ कोटींमध्ये विकला गेला वॉशिंगटन सुंदर
चारू शर्मांनी वॉशिंगटन सुंदरसाठी जेव्हा ७.७५ कोटी रुपयांसाठी विचारणा केली, तेव्हा गुजरात टायटन्सने माघार घेतील. त्यानंतर सनरायझर्स हैदराबाद आणि लखनऊ सुपर जायंट्स यांच्यात संघर्ष झाला. अखेर सनरायझर्स हैदराबादने सुंदरला ताफ्यात सहभागी करून घेतले. त्याला संघात घेण्यासाठी सनरायझर्स हैदराबादने ८.७५ कोटी रुपये मोजले.
चारू शर्मांनी केली होती अजून एक चूक
चारू शर्मांनी वॉशिंगटन सुंदरव्यतिरिक्त लिलावात अजून एक चूक केली. त्यांची दुसरी चूक म्हणजे वेगवान गोलंदाज खलील अहमद याच्या लिलावात मोठी चूक केली. खलील अहमदवर मुंबई इंडियन्सने ५.२५ कोटी रुपयांची बोली लावली होती. परंतु चारू शर्मांनी मात्र अहमदला दिल्ली कॅपिटल्सला विकले. दिल्ली कॅपिटल्सने अहमदसाठी ५ कोटी रुपयांचीच बोली लावली होती.
महत्वाच्या बातम्या –
वेस्ट इंडिजविरुद्धच्या टी२० मालिकेत चहलला इतिहास रचण्याची संधी, बुमराहला टाकले मागे
