शानदार विजयानंतर लखनऊच्या खेळाडूंचा हटके अंदाजात जल्लोष; पण कोपऱ्यात उभ्या असलेल्या गंभीरला झालं तरी काय?

आयपीएल २०२२मध्ये केएल राहुलच्या नेतृत्वात लखनऊ सुपर जायंट्स चांगले प्रदर्शन करत आहे. रविवारी (दि. ०१ मे) लखनऊने चालू हंगामातील त्यांचा सातवा विजय मिळवला. या सामन्यात त्यांनी दिल्ली कॅपिटल्सला ६ धावांच्या अंतराने पराभूत केले. या विजयानंतर लखनऊ प्लेऑफ फेरीच्या अधिक जवळ पोहोचला आहे. १४ गुणांसह त्यांचा संघ सध्या दुसऱ्या क्रमांकावर आहे. दरम्यान, दिल्लीला पराभूत केल्यानंतर लखनऊच्या खेळाडूंनी अनोख्या अंदाजात जल्लोष केला.

लखनऊ सुपर जायंट्सच्या अधिकृत इंस्टाग्राम खात्यावरून विजायनंतर त्यांच्या खेळाडूंनी साजरी केलेल्या आनंदाची माहिती दिली केली. फ्रँचायझीने एक व्हिडिओ शेअर केला आहे, ज्यामध्ये सर्व खेळाडू आणि सपोर्ट स्टाफ विजयाच्या आनंदात गाणे म्हणत आहेत. अष्टपैलू कृणाल पांड्या (Krunal Pandya) सहीत काही खेळाडूंच्या हातात मोबाईल दिसत आहे. मोबाईलमध्ये पाहून हे सर्वजण गाणे म्हणत आहेत. काही खेळाडू जेवणावरील झाकण दोन्ही हातात घेऊन वाजवत आहेत. कर्णधार केएल राहुल (KL Rahul), आवेश खान आणि संघातील इतर खेळाडू या जल्लोषात उस्फूर्तपणे सहभाग घेत आहेत.

महा स्पोर्ट्सचा व्हॉट्सअप ग्रुप जॉइन करण्यासाठी इथे क्लिक करा