याला काय अर्थय! धोनी अन् जडेजाच्या ‘या’ २ चुकांमुळे चेन्नईला करावा लागला विजयासाठी संघर्ष

गुरुवारी (२१ एप्रिल) चेन्नई सुपर किंग्जविरुद्ध खेळताना मुंबई इंडियन्सची वरची फळी पूर्णपणे अपयशी ठरली. परिणामी सीएसकेने सामन्यात विजय मिळवला. परंतु सीएसकेला हा विजय मिळवण्यासाठी शेवटच्या चेंडूपर्यंत संघर्ष करावा लागला. सीएसकेचा विजय सोप बनू शकत होता, पण एमएस धोनी आणि रवींद्र जडेजाने केलेल्या चुका संघाला महागात पडल्या. मुंबईच्या डावातील दुसऱ्या षटकात या घटना घडल्या.

सीएसकेचा माजी कर्णधार एमएस धोनी (MS Dhoni) याने यष्टीमागे चूक केल्याचे खूपच कमी वेळा पाहायला मिळाले आहे. परंतु मुंबई इंडियन्सच्या डावाच्या दुसऱ्या षटकात धोनीने एक हातची विकेट सोडली. मुंबईने पहिल्या षटकात दोन्ही सलामीवीरांच्या विकेट्स गमावल्या होत्या आणि दुसऱ्या षटकात देखील त्यांना मोठे यश मिळू शकत होते. परंतु धोनीने या षटकात एक सोपी स्टंपिंग सोडली, ज्यामुळे सूर्यकुमार यादवला जीवनदान मिळाले. यावेळी मिशेल सँटनर गोलंदाजी करत होता आणि षटकातील दुसऱ्या चेंडूवर धोनीच्या हातून ही चूक घडली.

Jadeja Dropping a Catch is like Dhoni Missing a Stumping Chance 🤯#CSKvsMi pic.twitter.com/EJTe2FWTlV

— Tanay (@tanay_chawda1) April 21, 2022

एवढेच नाहीत, तर दुसऱ्या षटकातील शेवटच्या चेंडूवर मुंबईचा युवा फलंदाज डेवाल्ड ब्रेविसला देखील जीवनदान मिळाले. सध्या फॉर्ममध्ये असलेल्या ब्रेविसने सँटनरला षटकार मारण्याचा प्रयत्न केला, पण चेंडू त्याच्या बॅटवर नीट न बसल्यामुळे त्याला विकेट गमवावी लागली. ब्रेविसने मारलेला हा चेंडू कव्हर्स आणि मिड ऑफमध्ये बराच वेळ हवेत होता, पण जडेजाला तो झेलता आला नाही. चेंडू झेलणे लांबच पण जडेजा त्याला स्पर्श देखील करू शकला नाही. झेल सुटल्यानंतर जडेजा विश्वास बसत नव्हता आणि तो प्रिटोरियसवर राग व्यक्त करत होता. या दोन विकेट जर सीएसकेला वेळीच मिळाल्या असत्या, तर त्यांचा संघ काही षटके राखून विजय मिळवू शकत होता.

महा स्पोर्ट्सचा व्हॉट्सअप ग्रुप जॉइन करण्यासाठी इथे क्लिक करा