रोहितची विकेट पडल्यावर ढसाढसा रडली पत्नी रितिका

शनिवारी (३० एप्रिल) आयपीएलच्या मैदानात मुंबई इंडियन्सने राजस्थान रॉयल्सला ५ विकेट्सने धूळ चारली. चालू हंगामात मुंबई इंडियन्सला मिळालेला हा पहिला विजय ठरला. मुंबईचा कर्णधार रोहित शर्मासाठी हा सामना खास होता, पण त्याला संघासाठी अपेक्षित योगदान देता आले नाही. वाढदिवसाच्या खास मुहूर्तावर रोहित अवघ्या २ धावा करून बाद झाला. यानंतर त्याची पत्नी रितिका खूपच निराश झाली होती, पण तितक्यात रविचंद्रन अश्विनची पत्नी प्रीती नारायणनने तिला धीर देण्याचे काम केले.

वाढदिवसाच्या दिवशी रोहित शर्मा (Rohit Sharma) मोठी खेळी करेल, अशी त्याच्या सर्व चाहत्यांना अपेक्षा होती. परंतु रविचंद्रन अश्विन (Ravichandran Ashwin) याच्या चेंडूवर तो झेलबाद झाला. मुंबई इंडियन्सच्या डावातील तिसरे षटक अश्विनने टाकले. या षटकातील तिसऱ्या चेंडूला चांगली उसळी मिळाली आणि तो रोहितला व्यवस्थित खेळता आला नाही. परिणामी रोहितने मारलेला हा शॉट डॅरिल मिशेलच्या हातात गेला, जो त्याने अगदी सहज झेलला.

महा स्पोर्ट्सचा व्हॉट्सअप ग्रुप जॉइन करण्यासाठी इथे क्लिक करा

रोहितने पाच चेंडूत दोन धावा केल्या आणि विकेट गमावली. त्याची पत्नी रितिका सजदेह (Ritika Sajdeh) यावेळी निराश चेहऱ्यासह स्टँड्समधून हा सर्व प्रकार पाहत होती. रोहितला तंबूत पाठवणाऱ्या रविचंद्रन अश्विनची पत्नी प्रीती नारायणन (Prithi Narayanan) देखील यावेळी स्टेडियममधून सामन्याचा आनंद घेत होती. अश्विनने रोहितची विकेट घेतल्यानंतर रितिकाचे डोळे पाणावल्यासारखे दिसू लागले होते. तितक्यात प्रीती रितिकाच्या दिशेने धावत गेली आणि तिला धीर देण्याचे काम केले.

चाहत्यांकडून प्रीतीने मैदानात दाखवलेल्या खेळ भावणेचे कौतुक केले जात आहे. या दोघी प्रत्यक्षात जरी मैदानात खेळत नसल्या, तरी त्यांनी स्टॅन्डमध्ये केलेली ही कृती अनेकांसाठी प्रेरणादायक ठरली. यासाठी चाहत्यांकडून प्रीतीचे कौतुक केले जात आहे. सोशल मीडियावर हा व्हिडिओ चांगलाच व्हायरल होत आहे.

https://twitter.com/krishnaa_ti/status/1520439390304370694?s=20&t=OidpFOFhUyym-W-wklusag