इंडियन प्रीमिअर लीग 2023 हंगामात अनेक युवा खेळाडू चमकले. त्यात सामील असलेला खेळाडू म्हणजे कोलकाता नाईट रायडर्स संघाचा विस्फोटक रिंकू सिंग होय. आयपीएल संपल्यानंतर रिंकू सध्या सुट्टीचा आनंद घेण्यासाठी मालदीव येथे गेला होता. तिथून त्याने आपले शानदार फोटोही शेअर केले होते. मात्र, रिंकू आता पुन्हा एकदा चर्चेत आला आहे. खरं तर, त्याने आता बॉलिवूड दिग्गज अभिनेते पंकज त्रिपाठी यांची भेट घेतली आहे. त्रिपाठी यांच्या ‘मिर्झापूर’ सीरिजमधील त्यांच्या भूमिकेमुळे त्यांना चाहते ‘कालीन भैय्या’ या नावाने ओळखतात. अशात त्यांचा रिंकूसोबतचा व्हिडिओ सोशल मीडियावर व्हायरल होत आहे.
‘कालीन भैय्या’ला भेटला रिंकू
विस्फोटक फलंदाज रिंकू सिंग (Rinku Singh) याने त्याच्या अधिकृत इंस्टाग्राम अकाऊंटवरून एक फोटो शेअर केला आहे. या फोटोत त्याच्यासोबत अभिनेते पंकज त्रिपाठी (Pankaj Tripathi) उभे असल्याचे दिसत आहेत. हा फोटो शेअर करत रिंकूने लक्षवेधी कॅप्शन लिहिले आहे. त्याने कॅप्शनमध्ये “सर्वांनी काळजी घ्या, दिग्गज कालीन भैय्या मला ओळखतात. खूप प्रेम पंंकज त्रिपाठी सर.”
रिंकूच्या या पोस्टवर चाहत्यांनी लाईक्स आणि कमेंट्सचा वर्षाव केला आहे. या पोस्टला आतापर्यंत 6 लाखांहून अधिक लाईक्स मिळाले आहेत. तसेच, जवळपास 900हून अधिक कमेंट्सही मिळाल्या आहेत. एकाने लिहिले की, “कालीन भैय्याही रिंकूचे चाहते आहेत.” आणखी एकाने कमेंट केली की, “दबंगसोबत.”
रिंकूने गाजवला आयपीएल 2023चा हंगाम
अवघ्या 26 वर्षांचा असलेल्या रिंकूने आयपीएल 2023 (IPL 2023) हंगामात एकूण 14 सामने खेळले होते. यामध्ये त्याने 59.25च्या सरासरीने फलंदाजी करताना 474 धावा चोपल्या होत्या. आयपीएलच्या 16व्या हंगामात रिंकूच्या बॅटमधून 4 अर्धशतकेही झळकावली होती. हंगामातील त्याची सर्वोत्तम धावसंख्या ही नाबाद 67 इतकी होती.
वेस्ट इंडिज दौऱ्यावर मिळू शकते संधी
आयपीएलमध्ये धमाल केल्यानंतर रिंकू आता लवकरच भारतीय संघाच्या निळ्या जर्सीत आपला जलवा दाखवताना दिसू शकतो. भारतीय संघ जुलै महिन्यात वेस्ट इंडिज दौऱ्यावर जाणार आहे. या दौऱ्यात भारत 2 कसोटी, 3 वनडे आणि 5 आंतरराष्ट्रीय टी20 सामने खेळणार आहे. असे म्हटले जात आहे की, टी20त रिंकू या दौऱ्यावर पदार्पण करताना दिसू शकतो. (ipl 2023 star rinku singh with bolywood veteran actor pankaj tripathi photo goes to viral)
महत्वाच्या बातम्या-
WTC Finalमधील फायनलनंतर ऍशेसमध्येही ग्रीनच्या कॅचने माजवली खळबळ, यावेळी काय होता पंचाचा निर्णय?
श्रीमंत हार्दिक! वहिनीने बूट चोरीसाठी मागितली मोठी रक्कम, पठ्ठ्याने झटक्यात ट्रान्सफर केली पाच पट रक्कम
