इंडियन प्रीमीयर लीग २०२२ हंगामाला (IPL 2022) पुढील काही महिन्यात सुरुवात होईल. पण, त्यापूर्वी १२ आणि १३ फेब्रुवारी रोजी बंगळुरू येथे या हंगामासाठी खेळाडूंचा लिलाव (IPL Auction 2022) पार पडला. या हंगामापासून गुजरात टायटन्स आणि लखनऊ सुपरजायंट्स हे दोन नवे संघ स्पर्धेत सहभागी होणार आहेत. त्यामुळे जुन्या ८ संघांसह या दोन नव्या संघांनीही आयपीएल लिलावात सहभाग घेतला होता.
आयपीएल २०२२ लिलावादरम्यान १० संघांमध्ये जबरदस्त चूरस पाहायला मिळाली. लिलावादरम्यान अनेक स्टार खेळाडूंवर कोट्यावधी बोली लागल्याचे पाहायला मिळाले. तसेच अनेक युवा खेळाडूंनीही फ्रँचायझींची मर्जी मिळवत मोठ्या रकमेची बोली मिळवली. पण त्याचवेळी सुरेश रैना, स्टीव्ह स्मिथ, ओएन मॉर्गन, ऍरॉन फिंच, इम्रान ताहीर असे दिग्गज खेळाडू अनसोल्ड राहिले.
या लिलावासाठी ६०० खेळाडूंची अंतिम निवड करण्यात आली होती. त्यातील एकूण २०४ खेळाडूंवर बोली लागली. यातील ६७ खेळाडू परदेशी आहेत. या लिलावादरम्यान १० फ्रँचायझींनी मिळून ५५१ कोटी ७० लाख रुपये खर्च केले.
तसेच या लिलावादरम्यान एकूण ११ खेळाडूंवर १० कोटी आणि त्यापेक्षा अधिक रुपयांची बोली लागली. यात इशान किशन सर्वात महागडा खेळाडू ठरला. यष्टीरक्षक फलंदाज असलेल्या इशानसाठी मुंबई इंडियन्सने १५ कोटी २५ लाख रुपयांची बोली लावली. त्याच्यापाठोपाठ सर्वाधिक रक्कम दीपक चाहरला मिळाली. त्याच्यासाठी चेन्नई सुपर किंग्सने १४ कोटी रुपये खर्च केले. तसेच श्रेयस अय्यरसाठी कोलकाता नाईट रायडर्सने १२.१५ कोटी रुपये मोजले.
या लिलावानंतर प्रत्येक फ्रँचायझीने आपली संघबांधणी जवळपास पूर्ण केली आहे. लिलावाआधी प्रत्येक जुन्या ८ फ्रँचायझीला ४ खेळाडू संघात कायम करण्याची परवानगी देण्यात आली होती, तर नव्या दोन संघांना ३ खेळाडूंना आपल्या संघात थेट घेण्याची परवानगी होती. त्यामुळे संघात कायम केलेले खेळाडू आणि लिलावात घेतलेले खेळाडू मिळून प्रत्येक फ्रँचायझीने आपला संघ तयार केला आहे.
आता प्रत्येक संघांतील एकूण खेळाडूंचा विचार करायचा झाल्यास चेन्नई सुपर किंग्स, मुंबई इंडियन्स, पंजाब किंग्स आणि कोलकाता नाईट रायडर्स या चार संघांकडे आता प्रत्येकी २५ खेळाडू आहेत, तर दिल्ली कॅपिटल्स आणि राजस्थान रॉयल्सकडे प्रत्येकी २४ खेळाडू आहेत. गुजराज टायटन्स आणि सनरायझर्स हैदराबादकडे प्रत्येक २३ खेळाडू आहेत. त्याचबरोबर लखनऊ सुपरजायंट्सकडे २१ आणि रॉयल चॅलेंजर्स बेंगलोरकडे २२ खेळाडू आहेत.
आयपीएल लिलाव २०२२ नंतर असे आहेत प्रत्येक संघ
१. चेन्नई सुपर किंग –
उर्वरित किंमत – २ कोटी ९५ लाख
संघातील खेळाडू – २५ (परदेशी ८)
संघ – रवींद्र जडेजा, एमएस धोनी (कर्णधार), ऋतुराज गायकवाड, मोईन अली, रॉबिन उथप्पा, अंबाती रायुडू, दीपक चाहर, केएम आसिफ, तुषार देशपांडे, ड्वेन ब्राव्हो, डेवॉन कॉनवे, शुभ्रांशू सेनापती, तुषार देशपांडे, शिवम दुबे, महिश तिक्षणा, राजवर्धन हंगरगेकर, ड्वेन प्रिटोरियस, मिशेल सँटनर, प्रशांत सोळंकी, सी हरी निशांत, एन जगदीसन, ख्रिस जॉर्डन, के भगत वर्मा, मुकेश चौधरी, सिमरनजीत सिंग
२. मुंबई इंडियन्स –
उर्वरित किंमत – १० लाख
संघातील खेळाडू – २५ (परदेशी ८)
संघ – रोहित शर्मा (कर्णधार), कायरन पोलार्ड, सूर्यकुमार यादव, जसप्रीत बुमराह, इशान किशन, डेवाल्ड ब्रेविस, बासिल थंपी, एम अश्विन, जयदेव उनाडकट, मयंक मार्कंडे, टिळक वर्मा, संजय यादव, रिले मेरेडिथ, मोहम्मद अर्शद खान, अनमोलप्रीत सिंग, रमणदीप सिंग, राहुल बुद्धी, हृतिक शोकीन, अर्जुन तेंडुलकर, आर्यन जुयाल, फॅबियन ऍलन
३. दिल्ली कॅपिटल्स –
उर्वरित किंमत – १० लाख
संघातील खेळाडू – २४ (परदेशी ७)
संघ – रिषभ पंत (कर्णधार आणि यष्टीरक्षक), अक्षर पटेल, पृथ्वी शॉ, एन्रिच नॉर्किया, डेव्हिड वॉर्नर, मिशेल मार्श, शार्दुल ठाकूर, मुस्तफिजुर रहमान, कुलदीप यादव, अश्विन हेब्बर, सरफराज खान, कमलेश नागरकोटी, केएस भरत, मनदीप सिंग, खलील अहमद, चेतन साकारिया, ललित यादव, रिपल पटेल, यश धुल, रोवमन पॉवेल, प्रवीण दुबे, लुंगी एन्गिडी, टिम सिफर्ट, विकी ओस्तवाल
४. कोलकाता नाईट रायडर्स –
उर्वरित किंमत – ४५ लाख
संघातील खेळाडू – २५ (परदेशी ८)
संघ – आंद्रे रसेल, वरुण चक्रवर्ती, व्यंकटेश अय्यर, सुनील नरेन, पॅट कमिन्स, नितीश राणा, श्रेयस अय्यर, शिवम मावी, शेल्डन जॅक्सन, अजिंक्य रहाणे, रिंकू सिंग, अनुकुल रॉय, रसिक दार, बाबा इंद्रजित, चमिका करुणारत्ने, अभिजित तोमर, प्रथम सिंग, अशोक शर्मा, सॅम बिलिंग्ज, ऍलेक्स हेल्स, चीम साऊथी, रमेश कुमार, उमेश यादव, मोहम्मद नबी, अमन खान
५. पंजाब किंग्स –
उर्वरित किंमत – ३ कोटी ४५ लाख
संघातील खेळाडू – २५ (परदेशी ७)
संघ – मयंक अगरवाल, अर्शदीप सिंग, शिखर धवन, कागिसो रबाडा, जॉनी बेअरस्टो, राहुल चाहर, शाहरुख खान, हरप्रीत ब्रार, प्रभसिमरन सिंग, जितेश शर्मा, इशान पोरेल, लियाम लिव्हिंगस्टोन, ओडियन स्मिथ, संदीप शर्मा, राज बावा, ऋषी धवन, प्रेरक मंकड, वैभव अरोरा, वृत्तीक चॅटर्जी, बलतेज धांडा, अंश पटेल, नॅथन एलिस, अथर्व तायडे, भानुका राजपक्षे, बेनी हॉवेल
६. राजस्थान रॉयल्स –
उर्वरित किंमत – ९५ लाख
संघातील खेळाडू – २४ (परदेशी ८)
संघ – संजू सॅमसन (कर्णधार), जोस बटलर, यशस्वी जयस्वाल, रविचंद्रन अश्विन, ट्रेंट बोल्ट, शिमरॉन हेटमायर, देवदत्त पडिक्कल, प्रसिद्ध कृष्णा, युझवेंद्र चहल, रियान पराग, केसी करिअप्पा, नवदीप सैनी, ओबेद मॅकॉय, अनुनय सिंग, कुलदीप सेन, करुण सेन , ध्रुव जुरेल, तेजस बारोका, कुलदीप यादव, शुभम गढवाल, जिमी नीशम, नॅथन कुल्टर-नाईल, रॅसी व्हॅन डर ड्युसेन, डॅरिल मिशेल
७. सनरायझर्स हैदराबाद –
उर्वरित किंमत – १० लाख
संघातील खेळाडू – २३ (परदेशी ८)
संघ – केन विलियमसन (कर्णधार), अब्दुल समद, उमरान मलिक, वॉशिंग्टन सुंदर, निकोलस पूरन, टी नटराजन, भुवनेश्वर कुमार, प्रियम गर्ग, राहुल त्रिपाठी, अभिषेक शर्मा, कार्तिक त्यागी, श्रेयस गोपाल, जे सुचिथ, एडेन मार्करम, मार्को जॅन्सेन, रोमॅरियो शेफर्ड, सीन ऍबॉट, रविकुमार समर्थ, शशांक सिंग, सौरभ दुबे, विष्णू विनोद, ग्लेन फिलिप्स, फजलहक फारुकी
८. गुजरात टायटन्स –
उर्वरित किंमत – १५ लाख
संघातील खेळाडू – २३ (परदेशी ८)
संघ – हार्दिक पंड्या (कर्णधार), राशिद खान, शुबमन गिल, मोहम्मद शमी, जेसन रॉय, लॉकी फर्ग्युसन, अभिनव सदरंगानी, राहुल तेवतिया, नूर अहमद, आर साई किशोर, डॉमिनिक ड्रेक्स, जयंत यादव, विजय शंकर, दर्शन नळकांडे, यश दयाल, अल्झार जोसेफ, प्रदीप सांगवान, वृद्धिमान साहा, मॅथ्यू वेड, गुरकीरत सिंग, वरुण ऍरॉन, बी साई सुदर्शन
९. लखनऊ सुपरजायंट्स –
उर्वरित किंमत – ० रुपये
संघातील खेळाडू – २१ (परदेशी ७)
संघ – केएल राहुल (कर्णधार), मार्कस स्टॉयनिस, रवी बिश्नोई, क्विंटन डी कॉक, मनीष पांडे, जेसन होल्डर, दीपक हुडा, कृणाल पंड्या, मार्क वुड, आवेश खान, अंकित राजपूत, के गॉथम, दुष्मंता चमीरा, शाहबाज नदीम, मनन वोहरा, मोहसिन खान, आयुष बडोनी, काइल मेयर्स, करण शर्मा, एविन लुईस, मयंक यादव
१०. रॉयल चॅलेंजर्स बेंगलोर
उर्वरित किंमत – १ कोटी ५५ लाख
संघातील खेळाडू – २२ (परदेशी ८)
संघ – विराट कोहली, ग्लेन मॅक्सवेल, मोहम्मद सिराज, फाफ डू प्लेसिस, हर्षल पटेल, वानिंदू हसरंगा, दिनेश कार्तिक, जोश हेझलवूड, शाहबाज अहमद, अनुज रावत, आकाश दीप, महिपाल लोमरोर, फिन ऍलन, शेरफेन रदरफोर्ड, जेसन बेहरेनडॉर्फ, सुयश प्रभूदेसाई, चमा मिलिंद, अनिश्‍वर गौतम, कर्ण शर्मा, सिद्धार्थ कौल, लवनीथ सिसोदिया, डेव्हिड विली.
महत्त्वाच्या बातम्या –
“कदाचित धोनी विसरला वाटतं..” सुरेश रैना अनसोल्ड झाल्यानंतर चाहत्यांनी दिल्या अशा प्रतिक्रीया
इलेक्ट्रीशियनचा मुलगा झाला कोट्यवधी!! प्रशिक्षकांनी केलेला सांभाळ, आता खेळणार चॅम्पियन संघासाठी
