IPL : बीसीसीआयचा खेळाडूंना थेट इशारा, किमान ३-४ रणजी सामने खेळावेच लागणार

IPL : भारत आणि इग्लंड यांच्यामध्ये सध्या 5 सामन्यांची कसोटी मालिका सुरू आहे. तर पाच कसोटी सामन्यांच्या मालिकेतील तिसरा सामना गुरुवारपासून राजकोटमध्ये खेळला जाणार आहे. तसेच विशाखापट्टणम येथे खेळली गेलेली दुसरी कसोटी जिंकून त्याने शानदार पुनरागमन केले. हैदराबादमधील पहिली कसोटी इंग्लंडने जिंकली होती. अशातच बीसीसीआयने रणजी ट्रॉफीमध्ये भाग न घेतल्याने वरिष्ठ खेळाडूंना थेट इशारा दिला आहे. 

भारतीय खेळाडू रणजी क्रिकेटमध्ये खेळणे सोडून आयपीएलसाठी हार्दिक पंड्यासह सराव करण्यात मन्ग असलेल्या इशान किशन प्रकरणामुळे बीसीसीआयचे पदाधिकारी नाराज झाले आहेत. याबरोबरच, खेळाडूंना आयपीएल खेळायची असेल तर 3 ते 4 रणजी सामने खेळावे लागतील असा नियम केला जाण्याची दाट शक्यता आहे. तसेच बीसीसीआयने सर्व खेळाडूंना ईमेल देखील केला आहे.

याबरोबरच, दक्षिण आफ्रिका दौऱ्यावेळी मानसिक थकवा आल्याचे कारण देत इशान किशन गायब झाला होता. तसेच इशान किशनला झारखंडकडून किमान दोन रणजी सामने खेळावे अशी अप्रत्यक्ष सुचना देखील देण्यात आली होती. तर मुंबई इंडियन्सचा कर्णधार हार्दिक बरोबर इशान बडोद्यात सराव करताना दिसून येत आहे. तसेच बडोद्याचा अष्टपैलू खेळाडू कृणाल पंड्या आणि राजस्थानचा वेगवान गोलंदाज दीपक चहर यांनी आधीच आयपीएलची तयारी सुरू केली आहे. त्यामुळे बीसीसीआय पुढील काळात कडक नियमच तयार करण्याच्या तयारीत आहे.