दरवर्षी आयपीएलमध्ये काही नवीन स्टार उदयास येतात. आयपीएल 2025 मध्ये सनरायझर्स हैदराबाद आणि लखनऊ सुपरजायंट्स यांच्यातील सामन्यात असाच एक स्टार दिसला. हा स्टार म्हणजे लखनऊ सुपरजायंट्सचा गोलंदाज प्रिन्स यादव. प्रिन्स यादवचा एसआरएच विरुद्धचा खेळ पाहून, एलएसजी संघाचे मालक संजीव गोयंका यांनी उभे राहून टाळ्या वाजवल्या. प्रिन्सने ट्रॅव्हिस हेडच्या रूपात सामन्यात त्याची पहिली आयपीएल विकेट घेतली आणि धोकादायक फलंदाज हेनरिक क्लासेनला बाद करण्यातही महत्त्वाची भूमिका बजावली.
या वर्षी लखनऊचे अनेक गोलंदाज जखमी झाले आहेत. कर्णधार रिषभ पंतकडे फारसे पर्याय नव्हते. अशा परिस्थितीत त्याने प्रिन्स यादवचा वापर केला. आता हा 23 वर्षांचा गोलंदाज त्याच्या कामगिरीने सर्वांच्या नजरेत आला आहे. एसआरएच विरुद्धच्या सामन्यात, कर्णधार रिषभ पंतने पॉवरप्लेनंतर लगेचच प्रिन्सला आक्रमणात आणले. त्याच्या समोर भयानक फलंदाज ट्रॅव्हिस हेड होता. पहिल्या चेंडूवर चौकार मारल्यानंतर, प्रिन्स परत आला आणि त्याने अचूक यॉर्कर मारत ट्रॅव्हिस हेडला क्लिन बोल्ड केले. प्रिन्सने हेडला बाद करताच, डगआउटमध्ये बसलेला एलएसजीचा मार्गदर्शक झहीर खान आनंदी झाला आणि त्याने त्याला प्रोत्साहन देण्यास सुरुवात केली.
That's the Biggest Wicket of IPL 2025 💥 and the maiden ipl wicket for Prince Yadav 👏🏻 #SRHvLSG pic.twitter.com/KD2wnBkuUF
— Richard Kettleborough (@RichKettle07) March 27, 2025
त्याचप्रमाणे, प्रिन्सने क्लासेनलाही धावबाद केले. 12व्या षटकात नितीश रेड्डीने त्याच्या चेंडूवर आक्रमक शॉट खेळला. प्रिन्सने चेंडू हाताने थांबवण्याचा प्रयत्न केला पण चेंडू नॉन-स्ट्रायकर एंडवर विकेटवर आदळला. त्यावेळी, हेनरिक क्लासेन क्रीजच्या खूप पुढे गेला होता आणि त्याला धावबाद झाल्यानंतर पॅव्हेलियनमध्ये परतावे लागले. संघाचे मालक संजीव गोएंका यांनीही प्रिन्सच्या प्रयत्नांचे कौतुक केले.
प्रिन्स यादव हा दिल्लीचा रहिवासी आहे. गेल्या वर्षी दिल्ली प्रीमियर लीगमध्ये चांगली कामगिरी केली. तेव्हाच तो एलएसजी स्काउट्सच्या डोळ्यात बसला. गेल्या वर्षी नोव्हेंबरमध्ये झालेल्या मेगा लिलावात लखनऊने प्रिन्सला 30 लाख रुपयांना विकत घेतले. जर आपण देशांतर्गत स्तरावरील कामगिरीबद्दल बोललो तर, त्याने देशांतर्गत टी-20 स्पर्धेत 10 डावात 13 विकेट्स घेतल्या आहेत. 2024-25 विजय हजारे ट्रॉफीमध्ये तो दिल्लीसाठी सर्वाधिक विकेट घेणारा गोलंदाज आहे. या दरम्यान त्याने सहा सामन्यांमध्ये 11 विकेट्स घेतल्या
