मुंबई । आयपीएल ही एक अशी स्पर्धा आहे जिथे प्रत्येक क्षणी सामन्याचे चित्र बदलत जाते. स्पर्धेत असे अनेक फलंदाज आणि गोलंदाज आहेत, जे एका षटकात सामना फिरवतात. त्यामुळे सामन्यादरम्यान कोणत्याही क्रिकेट प्रेमीसाठी एखाद्या विशिष्ट संघावर पैज लावण्याचे कठीण आव्हान असते. भारताचा माजी कर्णधार आणि दिग्गज फलंदाज सुनील गावस्करच्या दृष्टीने वेस्ट इंडिज आणि कोलकाता नाईट रायडर्सकडून खेळणारा, आंद्रे रसेल हा आयपीएलमधील सर्वात मोठा ‘गेम चेंजर’ आहे. त्यांनी रसेलचे कौतुक केले आणि म्हटले की, कोणत्याही संघाविरूद्ध तो अद्भुत प्रदर्शन करू शकतो.
रसेल धोकादायक का आहे?
स्टारस्पोर्ट्सच्या कॉलममध्ये गावस्कर यांनी लिहिले की, “कोलकाता नाइडराइर्सजवळ सर्वात मोठा गेम चेंजर आंद्रे रसेल आहे. मी तुम्हाला सांगतो की, रसेलने गेल्या काही हंगामामधून आयपीएलमध्ये उत्कृष्ट कामगिरी केली होती. मागील वर्षी त्याने 13 डावात 510 धावा केल्या. यावेळी, त्याचा स्ट्राइक रेट 204.81 होता. मागील हंगामात 56.66 च्या सरासरीने गोलंदाजी करणार्या रसेलनेही 11 विकेट्स घेतल्या. रसेल फलंदाजीच्या आघाडीवर किती धोकादायक आहे, याचा अंदाज लावला जाऊ शकतो की, गेल्या चार वर्षांत त्याचा सर्वात कमी स्ट्राईक रेट 164.91 आहे.
रसेल तिसर्या क्रमांकावर खेळेल?
असे म्हटले जात आहे की, केकेआर यंदा आपला सर्वात मोठा सामना फिनिशर आंद्रे रसेलला तिसर्या क्रमांकावर फलंदाजीसाठी पाठवू शकेल. कोलकाता नाइट रायडर्सचे प्रशिक्षक डेव्हिड हसी अष्टपैलू रसेलला फलंदाजीसाठी वरच्या क्रमांकावर पाठवण्याचा विचार करीत आहेत. हसीचा असा विश्वास आहे की, जर रसेलने तिसर्या क्रमांकावर फलंदाजी करताना 60 चेंडूत खेळले तर तोही दुहेरी शतक ठोकू शकतो.
कमिन्स पण ठरेल गेम चेंजर
गावस्कर यांनी रसेल व्यतिरिक्त ऑस्ट्रेलियाच्या पॅट कमिन्सलाही गेम चेंजर म्हणून संबोधले आहे. पॅट कमिन्सला केकेआरने 15.5 कोटीमध्ये खरेदी केले आहे. ते पुढे लिहिले की, “मंद खेळपट्ट्यांवर कमिन्स तितके प्रभावी होणार नाही. त्यांना गोलंदाजीत काही बदल करावे लागतील. ते चांगली फलंदाजी देखील करू शकतात. परंतु इतक्या मोठ्या किंमतीमुळे सर्वांचेच लक्ष त्यांच्यावर राहील.”