आयपीएल 2025 लिलावापूर्वी मोठी माहिती समोर येत आहे. आयपीएलच्या ब्रँड व्हॅल्यूमध्ये घट झाली आहे. यापूर्वी आयपीएलची ब्रँड व्हॅल्यू 92,500 होती, मात्र आता ती 11.7 टक्क्यांनी घसरून 82,700 वर आली आहे. मीडिया रिपोर्ट्सनुसार, आयपीएलला ब्रॉडकास्टिंग राइट्सचा खूप फायदा झाला. मात्र, असे असूनही, ब्रँड व्हॅल्यूमध्ये घट झाली आहे. त्याचबरोबर मुंबई इंडियन्स आयपीएलमध्ये सर्वाधिक ब्रँड व्हॅल्यू असलेला संघ बनला.
डी ऍंड पी एडवायजरीच्या अहवालानुसार, आयपीएलच्या मीडिया हक्कांचे पुनरावलोकन हे ब्रँड व्हॅल्यू घसरण्याचे एक प्रमुख कारण आहे. या अहवालात म्हटले आहे की, आता आयपीएल मीडिया अधिकारांमध्ये वेगळा दृष्टिकोन स्वीकारला जाईल. याशिवाय वायकॉम18 आणि डिस्ने प्लस हॉटस्टारचे विलीनीकरण होणार आहे. याचा फायदा पुढील हंगामात होऊ शकतो. या अहवालांवर विश्वास ठेवला तर, मुंबई इंडियन्स हा सर्वाधिक ब्रँड मूल्य असलेला संघ आहे. मुंबई इंडियन्सनंतर चेन्नई सुपर किंग्जचा क्रमांक लागतो. या यादीत कोलकाता नाईट रायडर्स तिसऱ्या स्थानावर आहे.
इतर आयपीएल संघांबद्दल बोलायचे झाले तर, रॉयल चॅलेंजर्स बंगलोर सर्वाधिक ब्रँड मूल्य असलेल्या संघांच्या यादीत चौथ्या स्थानावर आहे. यानंतर अनुक्रमे दिल्ली कॅपिटल्स, गुजरात टायटन्स, सनरायझर्स हैदराबाद, लखनऊ सुपर जायंट्स, राजस्थान रॉयल्स आणि पंजाब किंग्ज आहेत. श्रेयस अय्यरच्या नेतृत्वाखालील कोलकाता नाईट रायडर्सने सनरायझर्स हैदराबादला हरवून आयपीएल 2024 चे विजेतेपद पटकावले होते. हे त्यांचे तिसरे विजेतेपद आहे. आतापर्यंत मुंबई इंडियन्स आणि चेन्नई सुपर किंग्जने सर्वाधिक वेळा आयपीएलचे विजेतेपद पटकावले आहे. या दोन्ही संघांनी 5-5 वेळा ट्रॉफी जिंकलीये.
आयपीएल 2025 पूर्वी खेळाडूंचा मेगा लिलाव होणार आहे. या लिलावाआधी खेळाडूंच्या रिटेन्शनविषयी महत्त्वाचे निर्णय घेतले जातील. यामध्ये किती खेळाडूंना कायम ठेवण्यात येते हे पाहणे महत्त्वाचे असेल. हा लिलाव डिसेंबर किंवा जानेवारी महिन्यात पार पडू शकतो.
हेही वाचा –
ऑस्ट्रेलियाची त्यांच्याच घरात पळता भुई थोडी करू; भारताच्या माजी संघ निवडकर्त्याचा विश्वास
WTC फायनलच्या फॉरमॅटमध्ये बदल करण्याची मागणी, ऑस्ट्रेलियाच्या दिग्गजाची आयसीसीला महत्त्वपूर्ण सूचना
घरच्या मैदानावर सर्वाधिक कसोटी सामने गमावणारे 5 संघ, कोणाच्या नावे लाजिरवाण्या विक्रमाची नोंद?