भारत-पाकिस्तान (India vs Pakistan) तणावामुळे आयपीएल 2025 एका आठवड्यासाठी स्थगित करण्यात आले होते. त्यानंतर अनेक परदेशी खेळाडू त्यांच्या देशात परतले. आता आयपीएलचा उर्वरित हंगाम (17 मे) पासून पुन्हा सुरू होणार आहे. दरम्यान, उर्वरित सामन्यांमध्ये ऑस्ट्रेलियन खेळाडू खेळणार नाहीत यावर आता एक अपडेट समोर आली आहे. आता क्रिकेट ऑस्ट्रेलियाने यावर एक मोठी अपडेट दिली आहे. क्रिकेट ऑस्ट्रेलियाच्या या निर्णयामुळे आयपीएल संघांना मोठा दिलासा मिळेल.
क्रिकेट ऑस्ट्रेलियाने मंगळवारी (13 मे) सांगितले की जर ऑस्ट्रेलियन खेळाडू आयपीएल खेळायला जाऊ इच्छित असतील तर ते जाऊ शकतात. त्यांना बोर्ड थांबवणार नाही. जायचं की नाही हे खेळाडूवर अवलंबून आहे. ऑस्ट्रेलियाला जूनमध्येच वर्ल्ड टेस्ट चॅम्पियनशिपचा (WTC Final) सामना खेळायचा आहे. अशा परिस्थितीत या जेतेपदाच्या सामन्यासाठी तयारी करावी लागेल. या कारणास्तव, कांगारू खेळाडूंना आयपीएलचे उर्वरित सामने खेळणे कठीण असल्याचे म्हटले जात होते.
क्रिकेट ऑस्ट्रेलियाने म्हटले आहे की, ते आयपीएलमध्ये परतण्याच्या खेळाडूंच्या वैयक्तिक निर्णयाचा आदर करेल. बीसीसीआयने सोमवारी (12 मे) निर्णय घेतला की आयपीएलचा हा हंगाम (17 मे) पासून 6 ठिकाणी पुन्हा सुरू होईल. या लीगचा फायनल सामना (3 जून) रोजी खेळवला जाईल. पण प्लेऑफ सामन्यांचे ठिकाण अद्याप जाहीर झालेले नाही.
यामुळे ऑस्ट्रेलिया आणि दक्षिण आफ्रिकेच्या कसोटी क्रिकेटपटूंमध्ये पेच निर्माण झाला आहे, कारण (11 जून) पासून लॉर्ड्स येथे दोन्ही संघांमध्ये WTC फायनल सामना होणार आहे. क्रिकेट ऑस्ट्रेलियाने एका निवेदनात म्हटले आहे की, शनिवारपासून आयपीएल पुन्हा सुरू करण्याच्या घोषणेनंतर, क्रिकेट ऑस्ट्रेलियाने खेळाडूंच्या भारतात परतण्याच्या किंवा न येण्याच्या वैयक्तिक निर्णयाचा आदर करण्याचा निर्णय घेतला आहे. पुढे म्हटले आहे की, सुरक्षा व्यवस्थेबाबत आम्ही बीसीसीआय आणि ऑस्ट्रेलियन सरकारच्या संपर्कात आहोत.
मिचेल स्टार्क, जोश हेझलवूड, ट्रॅव्हिस हेड, मिचेल मार्श आणि पॅट कमिन्ससारखे कसोटी संघातील खेळाडू आयपीएल 2025 मध्ये खेळत आहेत. त्याच वेळी, रिकी पॉन्टिंग आणि ब्रॅड हॅडिनसारखे दिग्गज प्रशिक्षकपदी आहेत.
आयपीएल 2025 चा फायनल सामना WTC फायनल सामन्याच्या फक्त 8 दिवस आधी खेळवला जाईल. ऑस्ट्रेलियन खेळाडू उर्वरित लीग सामने खेळण्यासाठी भारतात येण्याची आणि प्लेऑफ सामन्यांमध्ये भाग न घेण्याची शक्यता आहे. सध्या, सर्व काही खेळाडूंवर अवलंबून आहे.
आयपीएल 2025 स्पर्धेतील उर्वरित सामन्यांचे संपूर्ण वेळापत्रक-
17 मे- रॉयल चॅलेंजर्स बंगळुरू विरुद्ध कोलकाता नाईट रायडर्स (बंगळुरू)
18 मे – राजस्थान रॉयल्स विरुद्ध पंजाब किंग्स (जयपुर)
18 मे – दिल्ली कॅपिटल्स विरुद्ध गुजरात टायटन्स (दिल्ली)
19 मे – लखनऊ सुपर जायंट्स विरुद्ध सनरायझर्स हैदराबाद (लखनऊ)
20 मे – चेन्नई सुपर किंग्स विरुद्ध राजस्थान रॉयल्स (दिल्ली)
21 मे- मुंबई इंडियन्स विरुद्ध दिल्ली कॅपिटल्स (मुंबई)
22 मे – गुजरात टायटन्स विरुद्ध लखनऊ सुपर जायंट्स (अहमदाबाद)
23 मे – रॉयल चॅलेंजर्स बंगळुरू विरुद्ध सनरायझर्स हैदराबाद (बंगळुरू)
24 मे- पंजाब किंग्स विरुद्ध दिल्ली कॅपिटल्स (जयपूर)
25 मे – गुजरात टायटन्स विरुद्ध चेन्नई सुपर किंग्स (अहमदाबाद)
25 मे- सनरायझर्स हैदराबाद विरुद्ध कोलकाता नाईट रायडर्स (दिल्ली)
26 मे – पंजाब किंग्स विरुद्ध मुंबई इंडियन्स (जयपुर)
27 मे- लखनऊ सुपर जायंट्स विरुद्ध रॉयल चॅलेंजर्स बंगळुरू (लखनऊ)
29 मे – पहिला क्वालिफायर सामना
30 मे- एलिमिनेटर
1 जून – दुसरा क्वालिफायर सामना
3 जून – फायनल सामना
