उद्या म्हणजेच 22 नोव्हेंबरपासून भारत आणि ऑस्ट्रेलिया यांच्यात बॉर्डर-गावस्कर स्पर्धेला सुरुवात होत आहे. टीम इंडियाचा कर्णधार जसप्रीत बुमराहने शुक्रवारी पर्थ येथे होणाऱ्या पहिल्या कसोटी सामन्यासाठी कर्णधारपदाबाबत मोठे वक्तव्य केले आहे. बुमराह म्हणाला की, त्याला कर्णधारपदाची जबाबदारी आणि आव्हाने आवडतात, त्यासाठी तो पूर्णपणे तयार आहे.
पर्थ येथे होणाऱ्या कसोटी सामन्याच्या एक दिवस आधी जसप्रीत बुमराह पत्रकार परिषदेत सहभागी झाला होता. यादरम्यान त्याने पहिल्या कसोटी सामन्यात रोहित शर्माच्या अनुपस्थितीमुळे टीम इंडियाचे नेतृत्व करण्याच्या सन्मानाबद्दल सांगितले.
यावेळी तो बोलताना म्हणाला, “हा एक सन्मान आहे. माझी स्वतःची शैली आहे. विराट वेगळा होता, रोहित वेगळा होता. आणि माझी स्वतःची शैली आहे. हा एक विशेषाधिकार आहे. मी ते पद म्हणून घेत नाही. मला जबाबदारी घ्यायला आवडते. आधी पण इथे आल्यानंतर मला संघाचे नेतृत्व करण्याबाबत काही स्पष्टता आली.”
भारतीय संघाच्या या दिग्गज खेळाडूने गोलंदाजांना कर्णधार बनवण्याबाबत मोठा मुद्दा मांडला. तो म्हणाला, “मी नेहमीच वेगवान गोलंदाजांना कर्णधार बनवण्याचा सल्ला दिला आहे. ते रणनीतीच्या दृष्टीने अधिक चांगले आहेत. पॅटने (कमिन्स) अप्रतिम कामगिरी केली आहे. यापूर्वीही अशी अनेक उदाहरणे समोर आली आहेत. कपिल देव आणि इतर अनेक कर्णधार संघात होते. “आशा आहे की ही एक नवीन परंपरा असेल.”
JASPRIT BUMRAH ON TAKING THE RESPONSIBILITY. ????????????pic.twitter.com/JbwI2jp30D
— Mufaddal Vohra (@mufaddal_vohra) November 21, 2024
या कसोटी मालिकेत भारतीय संघाचा कर्णधार रोहित शर्मा आहे, तर बुमराहची उपकर्णधारपदी नियुक्ती करण्यात आली आहे. टीम इंडियाचा कर्णधार रोहित शर्मा वैयक्तिक कारणांमुळे पर्थ येथे होणाऱ्या पहिल्या कसोटी सामन्यात उपलब्ध नाही. अशा परिस्थितीत पहिल्या कसोटी सामन्याची कमान जसप्रीत बुमराहच्या हाती असेल.
हेही वाचा-
IND vs AUS: टीम इंडियाची प्लेइंग 11 ठरली, कर्णधार जसप्रीत बुमराहने केला मोठा खुलासा
भारतीय कसोटी इतिहासात घडणार मोठा चमत्कार, जयस्वाल मोडणार सर्वात मोठा विक्रम
“थोडेसे ज्ञान तुमच्या भविष्यसाठी…”, संजय मांजरेकरांच्या ‘त्या’ वक्तव्यावर मोहम्मद शमीची तिखट प्रतिक्रिया
