शुक्रवारी सनरायझर्स हैदराबादविरुद्धच्या सामन्यात गुजरात टायटन्सचा फलंदाज जोस बटलरने मोठी कामगिरी केली. आयपीएलमध्ये 4000 धावा पूर्ण करणारा बटलर हा पहिला इंग्लिश फलंदाज ठरला आहे. जोस बटलरने नुकताच टी20 क्रिकेटमध्ये 12500 धावांचा टप्पा ओलांडला. नरेंद्र मोदी स्टेडियमवर खेळल्या गेलेल्या सामन्यात जोस बटलरने 37 चेंडूत 64 धावा केल्या. त्याने गिलसोबत 62 आणि वॉशिंग्टन सुंदरसोबत 57 धावांची भागीदारी केली.
अनुभवी फलंदाज जोस बटलर आयपीएलमध्ये 400 धावा पूर्ण करणारा तिसरा सर्वात जलद फलंदाज ठरला आहे (चेंडूंच्या बाबतीत). या यादीत ख्रिस गेल आणि एबी डिव्हिलियर्स त्याच्या पुढे आहेत. गेल आणि एबी डिव्हिलियर्सने 2658 चेंडूत ही कामगिरी केली. जोस बटलरने 2677 चेंडूंचा सामना केल्यानंतर 4000 धावांचा टप्पा ओलांडला. सूर्यकुमारने 2714 चेंडूत ही कामगिरी केली.
शुक्रवारी इंडियन प्रीमियर लीग 2025 च्या 51व्या सामन्यात गुजरात टायटन्सने सनरायझर्स हैदराबादचा 38 धावांनी पराभव केला. 224 धावांचे लक्ष्य दिल्यानंतर टायटन्सने सनरायझर्सना सहा विकेट्सवर 186 धावांवर रोखले. सनरायझर्सकडून अभिषेक शर्माने 38 चेंडूत 76 धावा केल्या पण त्याला दुसऱ्या टोकाकडून कोणतीही प्रभावी साथ मिळाली नाही.
टायटन्सकडून प्रसिद्ध कृष्णाने चार षटकांत 19 धावा देत दोन विकेट्स घेतल्या. मोहम्मद सिराजलाही दोन यश मिळाले पण त्याने 33 धावा खर्च केल्या. गुजरात टायटन्सकडून प्रसिद्ध कृष्णा आणि मोहम्मद सिराजने प्रत्येकी दोन फलंदाजांना बाद केले. इशांत शर्मा आणि गेराल्ड कोएत्झी यांनी प्रत्येकी एका फलंदाजाला बाद केले.
सर्वात जलद 4000 धावा (चेंडूंच्या बाबतीत)
ख्रिस गेल – 2658 चेंडू
एबी डिव्हिलियर्स – 26 58चेंड
जोस बटलर – 2677 चेंडू
