अफगाणिस्तानमधील काबुल येथे सुरू असलेल्या काबुल प्रीमियर लीगच्या दहाव्या सामन्यात ऐतिहासिक खेळी पाहायला मिळाली. शाहीन हंटर्स विरुद्ध अबासीन डिफेंडर्स अशा झालेल्या या सामन्यात शाहीन हंटर्स संघाचा फलंदाज सेदिक अटल याने एकाच षटकात 48 धावा चोपत मोठी कामगिरी केली.
काबुल येथे झालेल्या या सामन्यात शाहीन संघाने प्रथम फलंदाजी करताना खराब सुरुवात केली. त्यांनी आपले पहिले तीन फलंदाज केवळ 16 धावांवर गमावले होते. अशावेळी अटल याने संघाचे जबाबदारी आपल्या खांद्यावर घेत अबासीन संघाच्या गोलंदाजांची अक्षरशः धूळधाण उडविली. त्याने अखेरपर्यंत नाबाद राहत 56 चेंडूवर 7 चौकार व 10 षटकारांच्या मदतीने नाबाद 118 धावा चोपल्या.
اووه شپږیزې 🔥🔥🔥
🚨 4⃣8⃣ 🚨 runs of a single over🔥🚀.#SediqAtal was on fire🔥 and 🚀 mode against #KatawaziAD in the ongoing match of #KabulPremierLeague.👇
nb6 w5 6 6 6 6 6 6 🚨
Sediq Atal hits 7 sixes in an over of Amir Zazi in the KPL 10th match.#KPL #KPL2023 pic.twitter.com/sbcBGk0aMd
— Afghan Atalan 🇦🇫 (@AfghanAtalan1) July 29, 2023
डावाच्या 19 व्या षटकात त्याने डावखुरा फिरकी गोलंदाज आमिर झझाई याच्यावर आक्रमण केले. त्याने या षटकात तब्बल सात षटकार ठोकत 48 धावा केल्या. पहिलाच चेंडू नो बॉल टाकल्यानंतर अटल याने या चेंडूवर षटकार ठोकला होता. त्यानंतर पुढील चेंडू वाईड गेला. तसेच तो चेंडू चौकारापर्यंतही गेला. त्यानंतरचे सर्व चेंडू आमिर याने योग्य टाकले. मात्र, हे सर्व चेंडू त्याने सीमारेषेपार भिरकावत षटकार मारले. या आक्रमक फलंदाजीमुळे शाहीन संघाचा धावफलक 214 पर्यंत पोहोचला. त्यानंतर धावांचा पाठलाग करताना अबाहीन संघ तब्बल 92 धावांनी पराभूत झाला.
मागील वर्षी भारतातील विजय हजारे ट्रॉफीमध्ये महाराष्ट्राचा कर्णधार ऋतुराज गायकवाड याने उत्तर प्रदेशच्या शिवा सिंग याच्या एका षटकात सात षटकार मारलेले. आता अटल याने या विक्रमाची बरोबरी केली आहे.
(Kabul Premier League Young Batter Sediq Atal Hits 7 Sixes In An Over Equals Ruturaj Gaikwad Record)
महत्वाच्या बातम्या –
हार्दिकच्या कसोटी खेळण्यावरून दोन भारतीय दिग्गज भिडले, वाचा काय घडले
WIvsIND । विराटकडून धोनीच्या विक्रमाला तडा जाणार? यादीत रोहित सर्वोच्च स्थानी